Read Pa-khek-lé Pe̍h-ōe-jī Sèng-keng, 1933 - Barclay Taiwanese Bible, 1933 - Full Romanization Si-phian 124 Bible Online

Si-phian 124 - Pa-khek-lé Pe̍h-ōe-jī Sèng-keng, 1933 - Barclay Taiwanese Bible, 1933 - Full Romanization bible

Si-phian 124

¹Chiūⁿ kiā-á ê si; Tāi-pi̍t só͘ chòe.1)_x0009_Í-sek-lia̍t taⁿ tio̍h kóng, Nā m̄-sī Iâ-hô-hoa chān goán,

²Nā m̄-sī Iâ-hô-hoa chān goán, Tī lâng khí-lâi kong-kek goán,

³Tī in tùi goán hoat siū-khì ê sî, Chiū chiong goán oa̍h-oa̍h thun--lo̍h-khì;

⁴Hit-sî chiah ê chúi tek-khak pôaⁿ-kè goán, Hô-chúi tek-khak im-ba̍t goán.

⁵Hiong-kông ê chúi tek-khak im-ba̍t goán.

⁶Goān Iâ-hô-hoa siū o-ló, In-ūi I bô chiong goán chòe chia̍h-mi̍h, kau hō͘ in pō͘-chia̍h.

⁷Goán ê sìⁿ-miā chhin-chhiūⁿ chiáu-á, thoat-lī lia̍h-chiáu--ê ê lô-bāng; Lô-bāng phòa-li̍h, goán chiū thoat-lī.

⁸Goán tit-tio̍h pang-chān, sī khò Iâ-hô-hoa ê miâ, I sī chhòng-chō thiⁿ-tōe--ê.