Read Pa-khek-lé Pe̍h-ōe-jī Sèng-keng, 1933 - Barclay Taiwanese Bible, 1933 - Full Romanization Ngá-ko 3 Bible Online

Ngá-ko 3 - Pa-khek-lé Pe̍h-ōe-jī Sèng-keng, 1933 - Barclay Taiwanese Bible, 1933 - Full Romanization bible

Ngá-ko 3

¹Góa mî--sî the tī góa ê bîn-chhn̂g, chhē góa ê sim só͘-thiàⁿ--ê, Góa chhē i, iā chhē-bōe-tio̍h.

²Taⁿ góa beh khí-lâi sì-kòe kiâⁿ tī siâⁿ-lāi, Tī ke-lō͘, tī khoan-khoah ê só͘-chāi, Góa beh chhē góa ê sim só͘-thiàⁿ-ê; Góa chhē i iā chhē-bōe-tio̍h.

³Siâⁿ-lāi sûn-cha ê lâng tú-tio̍h góa, Góa mn̄g in kóng, Lín ū khòaⁿ-kìⁿ góa sim só͘-thiàⁿ-ê á-bô?

⁴Góa lī-khui in bô jōa-hn̄g, Chiū tú-tio̍h góa ê sim só͘-thiàⁿ-ê, Góa khîⁿ i, m̄ hō͘ i khì; Thèng-hāu góa chhōa i ji̍p góa lāu-bú ê ke, Chiū-sī siⁿ-góa-ê ê pâng-lāi.

⁵Iâ-lō͘-sat-léng ê chèng cha-bó͘-gín-ná ah, Góa kí lêng-iông í-ki̍p tiân-iá ê lo̍k-bú, chhiat-chhiat hoan-hù lí, Bo̍h-tit phah-chhíⁿ i, bo̍h-tit kiáu-jiáu góa só͘-thiàⁿ-ê; Thèng-hāu i ka-kī chêng-goān.

⁶Hit ê tùi khòng-iá--nih lâi, hêng-chōng chhin-chhiūⁿ hé-hun ê thiāu, Ēng bu̍t-io̍h kap jú-hiuⁿ, í-ki̍p seng-lí lâng ta̍k-iūⁿ ê phang-hún lâi hō͘ i phang-ê, Sī chī-chūi ah?

⁷Khòaⁿ ah, sī Só͘-lô-bûn ê kiō, Sì-ûi ū la̍k-cha̍p ê ióng-sū, Lóng sī tùi Í-sek-lia̍t ióng-sū-tiong kéng--ê.

⁸In lóng ōe hiáu ēng kiàm, gâu kau-chiàn, Lâng-lâng pē to tī io--nih, Tî-hông mî--sî ê gûi-hiám.

⁹Só͘-lô-bûn ông ēng Lī-pa-lùn ê chhâ, Ūi ka-kī chòe chi̍t téng kim-lián.

¹⁰I ê thiāu sī ēng gûn chòe--ê, I ê tóe sī ēng kim chòe ê, I ê tiām sī chí-sek-ê, Kî-tiong sī ēng Iâ-lō͘-sat-léng ê chèng cha-bó͘-gín-ná ê ài-chêng pho͘--ê.

¹¹Sek-an ê chèng cha-bó͘-gín-ná ah, lín tio̍h chhut-khì khòaⁿ Só͘-lô-bûn ông, I tì bián-liû, chiū-sī tī i ha̍p-hun ê ji̍t, i ê sim hoaⁿ-hí ê ji̍t, I ê lāu-bú kā i tì--ê.