Read Pa-khek-lé Pe̍h-ōe-jī Sèng-keng, 1933 - Barclay Taiwanese Bible, 1933 - Full Romanization Iok-su-a 12 Bible Online

Iok-su-a 12 - Pa-khek-lé Pe̍h-ōe-jī Sèng-keng, 1933 - Barclay Taiwanese Bible, 1933 - Full Romanization bible

Iok-su-a 12

¹Tī Iok-tàn hit-pêng ǹg ji̍t-chhut ê só͘-chāi, tùi A-lùn ê soaⁿ-kok kàu Hek-bûn soaⁿ, kap tang-sì A-la̍h-pa ê choân-tōe, Í-sek-lia̍t lâng phah hiah ê ông, chhú in ê tōe, kì tī ē-tóe.

²A-mô͘-lī lâng ê ông, chiū-sī khiā-khí tī Hi-si̍t-pún ê Se-hông, i só͘ koán ê tōe, sī tùi A-lùn soaⁿ-kok-piⁿ ê A-lô-jíⁿ, kap soaⁿ-kok-tiong ê siâⁿ, í-ki̍p Ki-lia̍t ê chi̍t-pòaⁿ, ti̍t-kàu A-bûn lâng ê kéng-kài, chiū-sī Ngá-phok hô.

³Koh A-la̍h-pa tang-sì kàu Ki-nî-lia̍t hái, koh kàu tang-sì A-la̍h-pa ê hái, chiū-sī Iâm-hái, thàng-kàu Pek-iâ-se-boa̍t ê lō͘, í-ki̍p lâm-hng, ti̍t-kàu Pí-su-ka ê soaⁿ-kha;

⁴koh ū Pa-sán ông Go̍k ê kéng-kài, i sī Lī-hoa̍t-im lâng só͘ chhun ê, tiàm tī A-su-tha-lio̍k kap Í-tek-lâi;

⁵i só͘ koán ê tōe, sī Hek-bûn soaⁿ, Sat-ka, Pa-san choân-tōe, kàu Ki-su̍t lâng kap Má-ka lâng ê kéng-kài, í-ki̍p Ki-lia̍t ê chi̍t-pòaⁿ, ti̍t-kàu Hi-si̍t-pún ông Se-hông ê kéng-kài.

⁶In sī Iâ-hô-hoa ê lô͘-po̍k Mô͘-se kap Í-sek-lia̍t lâng só͘ phah ê; Iâ-hô-hoa ê lô͘-po̍k Mô͘-se chiong in ê tōe hō͘ Liû-piān lâng, Ka-tek lâng, kap Má-ná-se pòaⁿ-chi-phài ê lâng chòe-gia̍p.

⁷Tī Iok-tàn ê sai-pêng, tùi Lī-pa-lùn soaⁿ-kok ê Pa-le̍k-ka-tek, kàu chiūⁿ-khì Se-jíⁿ ê Hap-la̍h soaⁿ, Iok-su-a kap Í-sek-lia̍t lâng phah in ê tōe; Iok-su-a chiū chiong tōe pun hō͘ Í-sek-lia̍t kok chi-phài chiàu in ê chong-cho̍k chòe-gia̍p;

⁸chiū-sī tī soaⁿ-tōe, tī pîⁿ-iûⁿ, tī A-la̍h-pa, tī soaⁿ-kha, tī khòng-iá, tī lâm-hng ê tōe, sī Hek lâng, A-mô͘-lī lâng, Ka-lâm lâng, Pí-lī-sé lâng, Hi-bī lâng, Iâ-pò͘-su lâng chiah ê ông kì tī ē-tóe;

⁹chi̍t-ê sī Iâ-lī-ko ông; chi̍t-ê sī óa-kūn Pek-te̍k-lī Ai siâⁿ ê ông;

¹⁰chi̍t-ê sī Iâ-lō͘-sat-léng ông; chi̍t-ê sī Hi-pek-lûn ông;

¹¹chi̍t-ê sī Iâ-boa̍t ông; chi̍t-ê sī La̍h-kiat ông;

¹²chi̍t-ê sī I-ki-lûn ông; chi̍t-ê sī Ki-sek ông;

¹³chi̍t-ê sī Tí-phek ông; chi̍t-ê sī Ki-tak ông;

¹⁴chi̍t-ê sī Hô-jíⁿ-má ông; chi̍t-ê sī A-la̍h-tek ông;

¹⁵chi̍t-ê sī Li̍p-ná ông; chi̍t-ê sī A-tō-lân ông;

¹⁶chi̍t-ê sī Má-ki-tāi ông; chi̍t-ê sī Pek-te̍k-lī ông;

¹⁷chi̍t-ê sī Tha-phó͘-a ông; chi̍t-ê sī Hi-hut ông;

¹⁸chi̍t-ê sī A-hut ông; chi̍t-ê sī La̍h-sa-lûn ông;

¹⁹chi̍t-ê sī Má-tùn ông; chi̍t-ê sī Hā-só ông;

²⁰chi̍t-ê sī Sin-lûn-bí-lûn ông; chi̍t-ê sī Ap-soah ông;

²¹chi̍t-ê sī Tha-la̍p ông; chi̍t-ê sī Bí-kiat-to ông;

²²chi̍t-ê sī Ki-te-su ông; chi̍t-ê sī óa-kūn Ka-bi̍t ê Iok-liām ông;

²³chi̍t-ê sī To-jíⁿ soaⁿ-thâu ê To-jíⁿ ông; chi̍t-ê sī Kiat-kah ê Ko-ìn ông;

²⁴chi̍t-ê sī Tek-sat ông; kè-kiōng saⁿ-cha̍p-it ê ông.