Read Pahari, Kullu प्रेरित 22 Bible Online

प्रेरित 22 - Pahari, Kullu bible

प्रेरित 22

¹ओ बापू, होर भाइयो मेरा ज़वाब शुणा, ज़ो हांऊँ ऐबै तुसा सामनै बोला सा।

²ऐ शुणिया कि ऐ ता इब्रानी भाषा बोला सा, ते होर बी च़ुप रौहै। तैबै पौलुसै बोलू;

³“हांऊँ ता यहूदी मांहणु सा, मेरा जन्म किलिकियै प्रदेशा रै तरसुस नगरा न हुआ पर ऐई नगरा न गमलीएलै री ज़ोंघा हागै बैशिया हांऊँ पढ़ाऊ होर बुज़ुर्गा रै बिधानै री ठीक रीति पैंधै सिखाऊ होर परमेश्वरै री तैंईंयैं ऐण्ढी धुन लाइया ती ज़ैण्ढी तुसै सैभियै औज़ लाई सा।

⁴मैं ऐई पँथै रै मर्द होर बेटड़ी बोनी-बोनिआ, कैदखानै न पाऐ होर सताऐ होर कई ता ज़ानियै बी मकाऐ।

⁵एसा गैलै री तैंईंयैं महापुरोहित होर स्याणै गुआह सी। तिन्हां न विश्वासी भाई री चिट्ठी लेइया हांऊँ दमिश्क शैहरा बै ज़ाँदा लागा ती, कि ज़ो तौखै होलै तिन्हां बै भी सज़ा देणै री तैंईंयैं हांऊँ बोनिआ यरूश्लेम शैहरा बै आंणनु।”

⁶“ज़ैबै हांऊँ च़लदै-च़लदै दमिश्कै शैहरा रै नेड़ पुजू, ता ऐण्ढा हुआ कि ध्याड़ी दपौहरै एकदम आसमाना न एक बड़ा प्याशा मेरै च़ोहू पासै च़मकू।

⁷होर हांऊँ धौरती पैंधै लोमा पौऊ : होर ऐ आवाज़ शुणी, हे शाऊल, ‘हे शाऊल, तू मुँभै किबै सता सा?’”

⁸“ ‘कि हे प्रभु तू कुण सा?’ तेइयै मुँभै बोलू, “‘हांऊँ यीशु नासरी सा ज़ुणिबै तू सता सा।’

⁹होर मेरै सैंघियै ज़ो मूँ सैंघै सफ़र केरदै लागै ती, तिन्हैं च़मकदार प्याशा हेरू, पर ज़ो मूँ सैंघै ढूणिदा लागा ती तै तेइरी आवाज़ नी समझ़ी सकै।

¹⁰“तैबै मैं बोलू, ‘हे प्रभु’ हांऊँ कि केरनु? प्रभुऐ मुँभै बोलू, “उठिया दमिश्क शैहरा बै ज़ा, होर ज़ो किछ़ तेरै केरनै री तैंईंयैं ठहराऊ सा सौ तौभै तौखै सैभ दैसिणा।

¹¹ज़ैबै तेई प्याशै री महिमा री बजहा न मूँ न किछ़ नी हेरुआ ता हांऊँ आपणै सैंघी रा हौथ ढौकिया दमिश्क शैहरा बै आऊ।

¹²“दमिश्क शैहरा न हनन्याह नाँ रा एक मांहणु ती, ज़ो मूसा रै एक बिधाना बै मैनणु आल़ा, होर परमेश्वरा न डौरनू आल़ा मांहणु ती। ज़ो तौखलै रौहणु आल़ै सैभ यहूदी लोका मौंझ़ै एक इज़तदार ती।

¹³होर खड़ै होईया मुँभै बोलू, हे भाई शाऊल दबारा हेरदा लाग, तेसा घड़ियै मेरी औछ़ी खुली होर मैं सौ हेरू।

¹⁴“तैबै तेइयै बोलू, ‘आसरै बुज़ुर्गा रै परमेश्वरै तू एथै री तैंईंयैं ठहराऊ सा कि तू तेइरी इच्छा बै ज़ाणला होर धर्मी मांहणु मसीहा बै हेरला होर तिन्हरी शुणला।

¹⁵किबै तू परमेश्वरा धिरै न सैभी लोका सामनै तिन्हां गैला रा गुआह होंणा ज़ो तैं हेरी सी होर शुणी सी

¹⁶ऐबै किबै देर केरा सा? उठ, बपतिस्मा ले, होर तेइरा नाँ लेइया आपणै पापा बै माफ़ केर।’

¹⁷“ज़ैबै हांऊँ यरूश्लेम शैहरा न एज़िया मन्दिरा प्रार्थना केरदा लागा ती, ता मैं एक दर्शन हेरू।

¹⁸होर मैं हेरू कि मुँभै बोला सा, फट केरिया यरूश्लेम शैहरा निकल़ किबैकि औखलै लोका मेरै बारै न तेरी गुआही नी मनणी।

¹⁹“मैं जवाब धिना कि, हे प्रभु हांऊँ नी जाणदा कि तै किबै मूँ पैंधै बशाह नी केरदै, किबैकि सौ आपुऐ जाँणा सी कि हांऊँ तौ पैंधै बशाह केरनु आल़ै लोका बै कैदखानै न पा सा होर यहूदी आराधनालय न मारनै द्या ती।

²⁰होर ज़ैबै तेरै गुआह स्तिफनुसा रा लोहू लाऊ ती बहाणा हांऊँ बी तौखै खड़ा ती होर एसा गैला न सहमत ती, होर तेइरै मारनू आल़ै रै झिकड़ै री रखवाली केरा ती।”

²¹“प्रभुऐ मुँभै बोलू, फ़ेटै ज़ा, किबैकि मूँ तू होरी ज़ाति रै बिच़ा न दूरा-दूरा तैंईंयैं भेज़णा।”

²²लोका एसा गैला तैंईंयैं तेइरी शुणदै रौहै। तैबै ज़ोरा सैंघै चिलाँदै लागै कि, “ऐण्ढै मांहणु रा आखरी केरा तेइरा ज़िन्दा रौहणा ठीक नी ऑथि।”

²³ज़ैबै ते चिलाँदै रौहै, बाहरलै झिकड़ै शेटदै रौहै होर आसमाना न धूड़ा उड़ाइया आपणी झ़िक जाहिर केरा ती;

²⁴ता पलटनै रै सूबैदारै बोलू, कि ऐईबै किलै बै नेआ होर कोड़ै मारिया जाँचा, ताकि हांऊँ ज़ाणनू कि लोका कौस बजहा न तेइरै खिलाफ़ ऐण्ढा चिलाँदै लागै सी।

²⁵ज़ैबै तिन्हैं सौ रौशियै बोनू ता पौलुसै सूबैदार साहबा बै बोलू, ज़ो सैंघै खड़ा ती, “कि ऐ सही सा कि तुसै एक रोमी मांहणु बै दोषी ठहराऐ बगैर कोड़ै मारलै?”

²⁶सूबैदार साहबै ऐ शुणिया पलटनै रै अधिकारी हागै ज़ाइआ बोलू, “तू ऐ कि केरा सा? ऐ ता रोमी सा।”

²⁷तैबै पलटनै रै अधिकारी तेई हागै एज़िया बोलू, मुँभै दैस कि तू रोमी सा? तेइयै बोलू, “हाँ।”

²⁸ऐ शुणिया पलटनै रै अधिकारियै बोलू, “कि मैं रोमी होंणै रा हक बोहू ढैबुऐ देइया पाऊ सा।” पर पौलुसै बोलू, “हांऊँ ता पैदा होंणै न रोमी सा।”

²⁹तैबै ज़ो लोका तेइबै जाँचणू आल़ै ती, ते तुरन्त तेई आगै न हटै होर पलटना रा अधिकारी भी ऐ ज़ाणिया कि ऐ रोमी सा होर मैं ऐ बोनू सा डौरू।

³⁰दुज़ै रोज़ै ठीक-ठीक ज़ाणनै री इच्छा न कि यहूदी तेई पैंधै किबै दोष ला सी तेइरै बन्धन खोलै होर मुख्यपुरोहिता होर सारी सभा बै कठा होंणै रा हुक्म धिना, होर पौलुस बै आंणिआ तिन्हां सामनै खड़ा केरू।