Read Pahari, Kullu 1 कुरिन्थियों 4 Bible Online

1 कुरिन्थियों 4 - Pahari, Kullu bible

1 कुरिन्थियों 4

¹मांहणु आसाबै मसीह रै सेवक होर परमेश्वरै री गुप्त भेदा रै भण्डारी बुझ़लै।

²फिरी औखै भण्डारी न भी ऐ गैल हेरिया सा, कि सौ बशाह रै काबिल हो।

³पर मेरी नज़रा न ऐ बड़ी होछ़ी गैल सा, कि तुसै या मांहणु रा कोई न्याय केरनु आल़ा मुँभै परेखे, किबैकि हांऊँ आपुऐ आपणै आपा बै नैंई परेखदा।

⁴किबैकि मेरा मन मुँभै कोई भी गैला न दोषी नैंई ठहरांदा, पर ऐथा न हांऊँ निर्दोष नैंई ठहरदा, किबैकि मेरा परेखणु आल़ा प्रभु सा।

⁵तैबै प्रभु रै ऐणै तक कोई कौसी रा न्याय मता केरदै : सौऐ निहारै री गोजुहोंदी गैला प्याशै न रिहाला, होर तेई मना रा उदेश्य प्रगट केरना, ता परमेश्वरा रै तरफा न हर ऐकी री तारीफ़ होंणी।

⁶ऐ भाइयो बैहणियो, मैं अपुल्लोस होर आपणै बारै न बोलू सा, ताकि तुसै आसाबै एक उदाहरणा रै रूपा न ले होर तुसै एथा रा मतलब सिखलै ज़ो बोला सा, “शास्त्रा न ज़ो लिखू सा, तेथा न बाहर मता ज़ाँदै।” अगर तुसै कोई रा आदर केरा सी होर कौसी दुज़ै री चर्चा केरा ता ऐ ठीक नैंई ऑथि।

⁷किबैकि कौसियै तुसाबै दुज़ै न बेहतर नैंई बणाऊ, तुसा हागै ज़ो किछ़ भी सा सौ तुसाबै परमेश्वरै धिना सा। किबैकि ज़ो किछ़ भी तुसा हागै सा सौ तुसाबै परमेश्वरै धिना सा, तुसाबै घमण्ड केरनै री कोई अधिकार नैंई ऑथि।

⁸तुसै बै लागा सा कि तुसा हागै आत्मिक रीति न ज़ो भी ज़रूरत सा सैभ किछ़ सा। तुसाबै लागा सा कि तुसा हागै पैहलै न ही सैभ वरदान सी ज़ो पवित्र आत्मा लोका बै देआ सा। तुसाबै लागा सा कि तुसै आसा बगैर राजा सांही राज़ केरना शुरु केरू सा। अगर तुसै सच़िऐ राजा सांही राज़ केरूदा होंदा ता हांऊँ खुश होंदा ताकि आसै भी तुसा सैंघै राज़ केरी सकदै।

⁹मेरी समझा न परमेश्वरै आसा प्रेरिता बै सैभी न आखरी ज़ैगा तिन्हां लोका रै बराबर ठहराऊ सा ज़ुणिबै मौऊती रा हुक्म हुआ सा; किबैकि आसै, ऐई दुनिया रै लोक होर स्वर्गदूता री तैंईंयैं एक तमाशा बणाई रै सी।

¹⁰लोका आसाबै मूर्ख बुझा सी किबैकि आसै मसीह रै बारै न प्रचार केरा सी, पर तुसै गलती न ऐण्ढै बुझा सी कि तुसै एक बुद्धिमान मसीह सी; बोहू सारै लोका बुझा सी कि आसा हागै कोई अधिकार नैंई ऑथि। पर तुसै घमण्डा सैंघै बोला सी कि तुसा हागै परमेश्वरा री शक्ति सा, लोका आसरा आदर नैंई केरदै बल्कि तुसरा आदर केरा सी।

¹¹आसै ऐई ध्याड़ै तैंईंयैं भूखै शोखे होर नाँगै सी, होर मार खा सी, होर ओरु पौरू घुमा सी;

¹²होर आपणै हौथा लाईया कोम केरिया मेहनत केरा सी। लोका आसाबै बुरा बोला सी, आसै तिन्हां बै आशीष देआ सी; ते तंग केरा सी, आसै सौहा सी।

¹³ते बदनाम केरा सी, आसै तिन्हां सैंघै प्यारा न गैला केरा सी, ऐबै भी लोका आसरा निरादर केरा सी; ते बोला सी कि आसरी कोई कीमत नैंई ऑथि।

¹⁴हांऊँ तुसाबै शर्मिंदा केरनै री तैंईंयैं ऐ गैला नैंई लिखदा, पर आपणै प्यारे बच्चे ज़ाणिया तुसाबै च़िताऊणी देआ सा।

¹⁵किबैकि अगर मसीह न तुसरै सीखाणु आल़ै दस हज़ार भी होलै, तैबै भी तुसरै पिता बोहू नैंई ऑथि; तैबै कि हांऊँ मसीह यीशु न खुशी रै समादा रै ज़रियै तुसरा पिता सा।

¹⁶तैबै हांऊँ तुसा सैंघै अर्ज़ा केरा सा कि मेरै उदाहरणा रा पालन केरा।

¹⁷तैबै हांऊँ तीमुथियुस बै ज़ो प्रभु न मेरा प्यारा होर बशाह लायक शोहरू सा, तुसा हागै भेज़ू सा होर सौ तुसाबै यीशु मसीह न मेरा चाल चलन याद कराला, ज़ैण्ढा कि हांऊँ हर ज़ैगा हर एकी मण्डली न उपदेश केरा सा।

¹⁸तुसा मौंझ़ै न किछ़ लोका बुझा सी कि मूँ तुसा सैंघै मिलदै नैंई ऐणा होर तैबै घमण्डी हुऐ सी।

¹⁹प्रभु चाहला ता मूँ तुसा हागै छेकै ऐणा, होर तिन्हां घमण्डी री गैला बै नैंई, पर तिन्हां शक्ति बै जाणला।

²⁰किबैकि परमेश्वरा रा राज्य गैला न नैंई, पर शक्ति न सा।

²¹तुसै कि चाहा सी? कि हांऊँ शोठे लेईया तुसा हागै एनु या झ़ुरी या नम्रता री आत्मा सैंघै?