Read Pahari, Kullu 1 यूहन्ना 1 Bible Online

1 यूहन्ना 1 - Pahari, Kullu bible

1 यूहन्ना 1

¹हांऊँ यूहन्ना एक मांहणु रै बारै न लिखदा लागा सी। ज़ो ज़िन्दगी रा वचना ती। ज़ो शुरुआता न ती, ज़ो आसै शुणु, होर ज़ुण आसै आपणी औछ़ी सैंघै हेरू, मतलब ज़ो आसै ध्याना सैंघै हेरू; होर हौथा सैंघै छुँगु।

²(सौ धौरती न आऊ, होर आसै सौ हेरू, होर आसै तेइरी गुआही देआ सी, होर तुसाबै तेसा हमेशा री ज़िन्दगी रै बारै न समाद देआ सी, ज़ो बापू सैंघै ती, होर आसा पैंधै प्रगट हुआ।)

³ज़ो किछ़ आसै यीशु रै बारै न हेरू होर शुणु सा तेथा रा समाद तुसाबै भी देआ सी, ऊँईरी तैंईंयैं कि तुसै भी आसै रै सैंघी सी; होर आसरा मेल — मिलाप बापू सैंघै, होर तेई रै बेटै यीशु मसीह सैंघै सा।

⁴होर ऐ गैला आसै एथा री तैंईंयैं लिखी सा, कि तुसरी खुशी पूरी होली।

⁵ज़ो समाद आसै यीशु न शुणु होर तुसाबै शणा सी, सौ ऐ सा; कि परमेश्वर प्याशा सा होर तेईन किछ़ भी निहारा नी ऑथि।

⁶अगर आसै बोललै, कि तेई सैंघै आसरा मेल-मिलाप सा, होर फिरी निहारै न चललै, ता तैबै आसै झ़ूठै सी; होर सच़ाई पैंधै नैंई च़लदै;

⁷पर अगर ज़ैण्ढा परमेश्वर प्याशै न सा, तैण्ढाऐ आसै भी प्याशे न चललै, ता आसै एकी दुज़ै न मेल मिलाप रखा सी; होर तेइरै बेटै यीशु मसीह रा लोहू आसरै सैभ पापा बै च़ोखै केरा सी।

⁸अगर आसै बोललै, कि आसै किछ़ भी पाप नेऊ केरू ता आसै आपणै आपा बै धोखा देआ सी; होर आसा न सच़ाई नी ऑथि

⁹अगर आसै आपणै पापा बै मनलै ता सौ आसरै पापा बै माफ केरनै, होर आसरी सैभ बुराई न च़ोखै केरनै बै बिश्वासयोग्य होर धर्मी सा

¹⁰अगर बोललै कि आसै पाप नी केरू ता परमेश्वरा बै झूठा ठहरा सी, होर तेइरा वचन आसा न नैंई ऑथि।