Read Pahari, Mahasu 1 थिस्स 4 Bible Online

1 थिस्स 4 - Pahari, Mahasu bible

1 थिस्स 4

¹आखरी दी ओ मैरै प्यारै साथी विश्वासिउओ, आमै तुमु कु औरज़ कौरी ई, और तुमु प्रभु यीशु दी सौमझ़ाई। तुमै यीशु रै नावां दी इणी ज़िन्दगी ज़िऔ ज़ो परमेश्‍वर खुश कौरा आ और ज़िणौ आमुऐ तुमुकै शिखाऔ भी आ। ज़िणौ तुमै पैहलै ओउलै कौरा भी ई, और तिणौ ई तौंइऐ भी बौड़दै थाकौ लागी।

²तुमुकै सै हुकम ता पौतौ ई, ज़ो आमुऐ तुमुकै प्रभु यीशु री तौरफा कु दै ई।

³कैलैकि परमेश्‍वरा री इच़्छ़ा एज़ी आ कि तुमै पवित्र बौणौ, यानी कि गान्दै कामा कु बौच़ी थाकौ,

⁴एथकु बौच़णा लै तुमु मांझ़िया कु हर एक आदमी आपणौ शरीर आपणै वशा दी छ़ाड़णौ शिखा और आपणी बोउटी आइलै पवित्रता और इज़्ज़ता कौरी रौआ।

⁵तुमै गान्दै कामा री इच़्छ़ा दुज़ी ज़ातीऊ रै लोगु ज़िणी नाईं कौरणी च़ांई, ज़ो परमेश्‍वर नाईं ज़ाणदै।

⁶आपणै शरीरा री इच़्छ़ा लै कोई भी आपणै विश्वासी भाई लै धोखौ ना दिया लौ, और ना तेस माथै च़ाल-च़ाला लौ, कैलैकि प्रभु यीशु इऊं सारी बुशु री वज़ाह कु तिउंलै सौज़ा दिया आ। ज़िणौ कि आमुऐ पैहलै भी बोलौ और च़ितलाऔ भी आ।

⁷कैलैकि परमेश्‍वरै आमै अशुद्ध ज़िन्दगी ज़िउणा लै नाईं पर पवित्र ज़िन्दगी ज़िउणा लै ई औटाऐ औन्दै।

⁸एज़ै कारणै ज़ुण इऊं नियमा रै मुताबिक आपणी ज़िन्दगी ज़िउणा लै इनकार कौरा सा, सेऊ आदमी रौ नाईं पर परमेश्‍वरा रौ इनकार कौरा आ, ज़ुण आपणी पवित्र आत्मा तुमुलै दिया सा।

⁹पर विश्वासी भाईच़ारै रै प्यारा रै बारै दी इणौ ज़रूरी नाईं कि हाऊं तुमुलै कुछ़ लिखु, कैलैकि आपु मांझ़िऐ प्यार छ़ाड़णौ तुमुऐ आपु ई परमेश्‍वरा कु शिखौ आ।

¹⁰सारै मकिदुनीया रै विश्वासी भाईऊ आइलै इणौ भी च़ांई हुऔ। पर ओ मैरै प्यारै साथी विश्वासिउओ, आमै तुमु सौमझ़ाई कि औज़ौ भी बौड़दै थाकौ लागी।

¹¹ज़िणै आमुऐ तुमै सौमझ़ाऐ ई आ इणी ई च़ुटुकच़ार रौइणै और आपणौ-आपणौ काम काज़ कौरणै और आपणै-आपणै हाथा कौरी कौमाउणै री कोशिश कौरौ।

¹²ताकी अविश्वासी आइलै इज़्ज़त-माना कौरी बरताव कौरौ, तैबै तुमुलै केज़ी भी च़िज़ा री कामी ना औन्दी।

¹³ओ मैरै प्यारै साथी विश्वासिउओ, आमै नाईं च़ाहांदै कि तुमै तिंउरै बारै दी अणज़ाण रौ ज़ुण मसीह दी मौरै औन्दै ई। इणौ ना च़ांई हुऔ कि तुमै दुजेऊ बाशीऐ शोक कौरौ ज़ासकै आश ई नाईं।

¹⁴कैलैकि अगर आमै विश्वास कौरी सी कि यीशु मौरौ भी और ज़िउंदौ भी हुऔ, और तिणौ ई परमेश्‍वर तिऊं भी ज़ेज़ै विश्वासी यीशु दी मौरी गोऐ परमेश्‍वर तिऊं यीशु आइलै वापिस आणा सा।

¹⁵कैलैकि आमै प्रभु यीशु रै वचना रै मुताबिक तुमुकै इणौ बोली ई कि ज़ो आमै ज़िउंदै ई और प्रभु रै वापिस आशणै झ़ांऊ बौच़ी रौई ई, ता सै मौरै औन्दै विश्वासी आमुकु पैहलै प्रभु यीशु कु मिला ई,

¹⁶कैलैकि प्रभु यीशु आपु ई सौरगा कु उतरा। सेज़ै बौगतै हाक, और परधान दूता हाक शुणीणी, और परमेश्‍वरा री कौरनाल़ फुकरिया, और ज़ेज़ै विश्वासी मसीह दी मौरै ई, सै पैहलै ज़िउंदै हुणेई।

¹⁷तेबी ज़ेज़ै आमै ज़िउंदै ई और बौच़ी थाकी ई तिऊं आइलै बादल़ा माथै उठाइयाई ताकी आसमाना दी प्रभु कु मिला लै। सेज़ै बौगता कु आमै सौदा प्रभु आइलै रौआ ई।

¹⁸एथीलै इऊं बुशु कौरी एकी-दुजै लै हौसलौ दैऔ।