Read Pahari, Mahasu याकूब 1 Bible Online

याकूब 1 - Pahari, Mahasu bible

याकूब 1

¹हाऊं याकूब परमेश्‍वरा रौ और प्रभु यीशु मसीह रौ दास तुमुलै चिट्ठी लिखाऊ। तुमु बाराह खानदाना लै ज़ो दुनिया रै अलग-अलग ज़ागाह दी रौआ ई ढाल कौराऊ।

²ओ मैरै प्यारै साथी विश्वासिउओ, ज़ेबी तुमै कई रौंगा री मुसीबता दी पौड़ालै, ता इऐं भौरी खुशी री बूश सौमझ़ौ,

³कैलैकि तुमै ता ज़ाणाई कि ज़ेबी तुमारौ विश्वासा पौरखिया लौ, तेथ कौरी तुमै साबित कौरालै कि तुमै इबी झ़ाऊं परमेश्‍वरा दी विश्वास कौरा ई। तैबै तुमै सौबरी कौरी दु:खा रौ सामनौ कौरी सौका ई।

⁴तुमुऐ हर बौगता दी सौबर छ़ाड़णौ शिखणौ च़ांई ताकी तुमै आत्मिक ज़िन्दगी दी पाक्कै और पुरै हुआ और तुमु दी केज़ी भी आच़्छ़ी बुशा री कामी ना रौआ।

⁵पर अगर तुमु मांझ़िया कु कासी कै भी औकला री कामी औली ता परमेश्‍वरा कु मांगा लौ, ज़ुण बिण आरोप लाइयौ सारेऊ कै भरपूर दिया सा, और परमेश्‍वरै सारेऊ कै दिया आ।

⁶पर विश्वासा कौरी मांगा, और कुछ़ शक ना कौरा कैलैकि शक कौरणै वाल़ै समुन्दरा रै छ़ालै ज़िणै ई ज़ो बागुरा कौरी बौआ, और उछ़ल़ा ई।

⁷इणौ आदमी इणौ ना सुंच़ा कि मुलै कुछ़ प्रभु कु मिला आ,

⁸इणौ आदमी दोगलै ज़िवा रौ और आपणी सारी बुशा दी च़ांच़ल आ।

⁹नीउलौ भाईउऐ खुश च़ांई हुणौ कैलैकि परमेश्‍वरै तिउंलै इज़्ज़त देई आ,

¹⁰और सेठ आपणी निउलै माथै खुश च़ांई हुणौ। कैलैकि तेसरी अमीरी घासा रै फुला बाशीऐ झौड़ा आ।

¹¹सुरज निकल़ियौ ताती रूड़ लागा, और घास शुकावा, और घासा रौ फूल पोरु झौड़ा आ तेथरी सुंदरता हुआ खातम। इणी ई सेठ भी आपणी बाटा दी हांडदै-हांडदै धूड़-माटै दी मिला।

¹²आशीष वाल़ौ आ सेऊ आदमी ज़ुण इम्तहाना दी सफल हुआ आ, कैलैकि सेऊ इम्तहाना दी खौड़ौ रौइयौ सौदा री ज़िन्दगी रौ ताज़ पा लौ ज़ेथरौ वायदौ परमेश्‍वरै आपणै प्यार कौरणै वाल़ेऊ आइलै कियौ आ।

¹³ज़ैबै कासरौ इम्तहान औलौ ता सेऊ इणौ ना बोला कि, “मैरौ इम्तहान परमेश्‍वरा री तौरफा कु आ।” कैलैकि ना ता परमेश्‍वर बुरी बुशेऊ दी पौरखदौ, और ना आपु इम्तहान कौरदौ।

¹⁴पर हर आदमी आपणी बुरी इच़्छ़ा दी फौसियौ इम्तहाना दी पौड़ा।

¹⁵तैबै बुरी इच़्छ़ा गौरकड़ी हुइयौ पाप पैदौ कौरा आ, और पाप ज़ैबै भौरी बौड़ा ता तेथरौ नौतिज़ौ सौदा री मौत आ।

¹⁶ओ मैरै प्यारै साथी विश्वासिउओ, धोखौ ना खाऔ।

¹⁷कैलैकि हर एक भौरी आच़्छ़ौ और पुरौ दाण सौरगा कु मिला आ, और परमेश्‍वर बाबा री तौरफा कु मिला आ ज़ुण प्याशेऊ रौ बाब आ। परमेश्‍वर सौदा एका सा सेऊ छ़ांई ज़िणौ भी नाईं बौदुलदौ।

¹⁸तिणीऐ आपणी मौरज़ी कौरी आमुलै सौच़्च़ाई रै वचना रै ज़ौरिऐ नौंवी ज़िन्दगी देई आ, ताकी आमै तेसरी चाणी ऐन्दी च़िज़ेऊ मांझ़िया कु पैहलौ फल़ बौणा।

¹⁹ओ मैरै प्यारै साथी विश्वासिउओ, इऐं बूश तुमै ज़ाणौ हर आदमी शुणना लै तैयार और बोलणै लै सुलै और रोशा लै शांत रौआ,

²⁰कैलैकि आदमी ज़ेबी रोशीआ सा तेबी भौलाई री बुशै नाईं कौरी बौल़दौ ज़िणौ परमेश्‍वर आमुकु च़ाआ सा।

²¹एथीलै सारी बुराई और बैर भाव दूर कौरीऔ, परमेश्‍वरा रै वचन निउलै कौरी अपणाऔ ज़ो तुमारै ज़िवा दी पाऔ औन्दौ, ज़ो तुमारै प्राण बौच़ाई सौका आ।

²²पर परमेश्‍वरा रै वचना माथै हाण्डणै वाल़ै बौणौ, और शुणनै वाल़ै नाईं ज़ुण आपुलै धोखौ दिआई।

²³कैलैकि ज़ुण कुण वचन शुणनै वाल़ौ औलौ और तेस माथै हाण्डणै वाल़ौ नाईं औलौ, ता सेऊ तेस आदमी ज़िणौ आ ज़ुण आपणौ असली मूंह शिशे दी देखा आ।

²⁴एथीलै कि सेऊ आपणौ मूंह देखीयौ डिया और तेबी बिसरा कि मैरौ मूंह किणौ थौ।

²⁵पर ज़ो आदमी परमेश्‍वरा रै वचना माथै ध्यान कौरा ज़ो पाकौ आ और आमु आज़ाद कौरा आ, सेऊ आपणै कामा दी एथीलै आशीष पा सा कि शुणियौ बिसुरदौ नाईं पर तिणौऔ काम कौरा आ।

²⁶अगर आपुलै कुण परमेश्‍वरा रौ भौगत सौमझ़ा लौ और आपणी ज़िभा दी लगाम नाईं ला लौ, पर आपणै ज़िवा लै धोखौ दिया लौ, ता तेसरी भौक्ती बेकार आ।

²⁷आमारै परमेश्‍वर बाबा रै नज़दीक शुद्ध और साफ भौक्ती इऐ आ कि बेघर और विधवा लोगु रै दुखा दी देखभाल़ कौरा और आपु धौतरी दी बिण पापा रौ रौआ।