Read Paikoka Hebreos 1 Bible Online

Hebreos 1 - Paikoka bible

Hebreos 1

¹Tsoe hue̱ꞌña Maijaꞌquëpi mai aipëre i̱te quëacaicohuaꞌija̱ꞌa ca muꞌseña jaiye caꞌa̱jiꞌi, cuiꞌne jaiye ti̱ñe paꞌye yoꞌoyeja̱ꞌa caꞌa̱jiꞌi.

²Ja̱je caꞌquëpi, yure tëji muꞌseña maire i̱ mamaquëja̱ꞌa capi. Siꞌa coꞌamaña i̱ ja̱ꞌre deꞌhuasiquë ja̱ꞌre co̱ni, siꞌaye coꞌamaña paja̱ꞌquë ja̱ꞌre co̱ni capi.

³Ja̱ë api, Maijaꞌquë deꞌoyere pare miacaiquë. Cuiꞌne ja̱ë api, Maijaꞌquë paꞌiyere maire i̱ñoquë i̱je paꞌi api, cuiꞌne ja̱ëpi siꞌa coꞌamaña i̱ coca tutupi quëco paquërepa. Mai coꞌaye paꞌiseꞌere tsoa to̱ni, jeteyoꞌje Maijaꞌquë ñuꞌico ëja te̱ꞌtena jaꞌrupi. Hui̱ñaohuaꞌire Jerepa Paꞌi Api, Maijaꞌquë Mamaquë

⁴Hui̱ñaohuaꞌire jerepa paꞌi deꞌopi, Maijaꞌquë mamaquëpi, i̱ohuaꞌi paye jerepa paꞌi mamire i̱si cua̱ñosi doꞌire.

⁵Maijaꞌquë ti camaꞌë pajiꞌi, teꞌireje̱ i̱ hui̱ñaëre:Mëꞌë aꞌë, yëꞌë mamaquë.Yure mëꞌëre huëoni paꞌiye i̱sihuë. Teꞌireje̱ i̱ hui̱ñaëre camaꞌë pajiꞌi.Yëꞌë pasiꞌi, i̱ pëca jaꞌquë paꞌina,I̱pi yëꞌë mamaquë paꞌija̱ꞌquë.

⁶Ja̱je paꞌiquëtaꞌare iye yejana i̱ mamaquëre teꞌire i̱siquë capi:Siꞌa i̱ hui̱ñaohuaꞌi i̱te doꞌre jaꞌrujë ai deꞌoquëre papi cajë sihuajë̱ꞌë.

⁷Maijaꞌquëpi i̱ hui̱ñaohuaꞌi ayere capi, ñeje:Hui̱ñaohuaꞌire cato tutuje̱ paꞌiohuaꞌire neñë,cuiꞌne yëꞌëre necaicohuaꞌini toaje̱ paꞌiohuaꞌire neñë.

⁸Ja̱je paꞌiquëtaꞌare i̱ mamaquëre capi:I̱na, Diusu, mëꞌë cua̱ñeñe cato, ti caraja̱iñe peoji,mëꞌë cua̱ñeñe cato nuñere paꞌë.

⁹Deꞌoyeseꞌe oi, coꞌayere mëꞌë ai coehuë.Ja̱je paꞌina, Diusu, mëꞌëre, mëꞌë Diusupi ai sihuayere i̱sipi, mëꞌë cajeohuaꞌire i̱siye jerepa.

¹⁰Cuiꞌne yequeje̱ capi:I̱na, i̱ti huëo maca mëꞌëpi Ëjaë, yejare nehuë.Cuiꞌne mëꞌëpi maꞌtëmoje nehuë.

¹¹Mëꞌë deꞌhuaseꞌe cato caraja̱i ja̱ꞌñe aꞌë. Ja̱je paꞌiquëtaꞌare mëꞌë cato ti pani huesëja̱ꞌquë aꞌë.Siꞌaye ja̱ cato coꞌa deꞌo huesë ja̱ꞌñe aꞌë, juꞌi ca̱ña yoꞌoyeje̱.

¹²Ja̱je paꞌina, ja̱ yejare cuiꞌne maꞌtëmore mëꞌëpi juꞌi ca̱ ñëoñeje paꞌye ñëojaꞌquë aꞌë.Cuiꞌne juꞌi ca̱ yeconi su̱ñacaiyeje̱ paꞌye mëꞌëpi nejaꞌquë aꞌë.Ja̱je paꞌiquëtaꞌare, mëꞌë cato ja̱re i̱pi paꞌija̱ꞌquë aꞌë.Mëꞌë paꞌiye ti caraja̱iñe pa̱jaꞌcoa.

¹³Diusu camaꞌë pajiꞌi, teꞌireje̱ hui̱ñaëre:Jaꞌrujë̱ꞌë, yëꞌë ëja te̱ꞌtena,mëꞌëre sa̱ñope yoꞌocohuaꞌire mëꞌë quë̱o huëꞌehuëna tëꞌya me macaja̱ꞌa.

¹⁴Siꞌaohuaꞌi hui̱ñaohuaꞌi cato Maijaꞌquëre necaicohuaꞌipi joñoaseꞌe paꞌiyë, huasosicohuaꞌi paꞌija̱ꞌcohuaꞌire co̱caija̱ꞌcohuaꞌire jëjo daosicohuaꞌipi.