Read Paite 1 Chronicles 4 Bible Online

1 Chronicles 4 - Paite bible

1 Chronicles 4

¹Juda tapate; Perez, Hezron, Karmi, Hurl eh Sobal.

²Huan Sobal tapa Reaiain Jahat a suanga; Jahatin Ahumai leh Lahad a suang. Hiaite Zorathit mite inkote ahi uh.

³Huan hiaite Etam pa tapate ahi uh; Jezreel, Isma, Idbas: huan a sanggamnu uh min Hazzelelponi ahi:

⁴Huan Gedor pa Penuel, Husah pa Ezer. Hiaite, Ephrathah ta masa, Beth-lehem pa, Hur tapate ahi uh.

⁵Huan Tekoa pa Asurin ji nih, Hela leh Naara a nei.

⁶Huan Naarain Ahuzzam, Hepher, Temeni, Haahasatari a neihsaka. Hiaite Naara tapate ahi uh.

⁷Huan Hela tapate Zeret, Izhar, Ethnan ahi uh.

⁸Huan Kozin Anub, Zobebah, Harum tapa Aharhel inkote a suang hi.

⁹Huan Jabez bel a unaute sangin a zahtakhuai jawa: huan a nun a min Jabez a saa, Lungkham toh amah ka neih jiakin, chiin.

¹⁰Huan Jabezin Israel Pathian a sama, Aw honvualjawl mahmah in, ka gam liansak in, na khut ka kiangah omin, hoihlou akipanin kei honkemin, hon lungkhamsak louhna dingin chiin. Huchiin Pathianin a nget a phalta hi.

¹¹Huan Kelub Suha sanggampan, Eston pa, Mehir a suanga.

¹²Huan Estonin Beth-rapha, Pasea, Irnahas pa Tehinna a suang. Hiaite Reka mite ahi uh.

¹³Huan Kenaz tapate; Othniel, Seraia: huan Othniel tapate; Hathat.

¹⁴Huan Meonothaiin Ophra a suang: huan Seraiain Ge-harasim pa Joab a suang; khutsiammi lah ahi ngala ua.

¹⁵Huan Jephunne tapa Kaleb tapate; Iru, Ela, leh Naam: huan Ela tapate; huan Kenaz.

¹⁶Huan Jahallel tapate; Zip leh Zipha, Tiria leh Asarel.

¹⁷Huan Ezra tapate; Jether, Mered, Epher, Jalon: huan Miriam leh Sammai, Estemoa pa Isba a nei hi.

¹⁸Huan a ji Juda numeiin Jered Gedor pa, Heber Soko pa, Jekuthiel Nanoa pa a suang hi. Huchiin hiaite Meredin a pi, Pharo tanu Bithia tapate ahi uh.

¹⁹Huan Naham sanggamnu, Hodia ji tapate, Gar mi Keila pa, Maaka mi Estemoa pa ahi uh.

²⁰Huan Simon tapate; Amnon, Rinna, Ben-hana, Tilon. Huan Isi tapate; Zohet, Ben-Zohet.

²¹Huan Juda tapa Sela tapate; Leka pa Er, leh Meresa pa Laada leh puan malngat hoih bawlte inkuante, Asbea inkote;

²²Huan Jokim, Kozeba mite, Joas, Saraph, Moaba lalna na nei, Jasubi-lehem. Huchiin chiamtehna laite a upa mahmah.

²³Hiaite belvelmite leh, Netaim leh Gederaa tengte ahi uh: huailaiah a nasepna jiakin kumpipa kiangah a teng uhi.

²⁴Simeon tapate; Nemuel, Jamin, Jarib, Zera, Sual:

²⁵A tapa Sallum, a tapa Mibsam, a tapa Misma.

²⁶Huan Misma tapate; a tapa Hammuel, a tapa, Zakkur, a tapa Simei.

²⁷Huan Simeiin tapa sawm le guk leh tanu guk a neia; himahleh a unauten tate tampi a neikei ua, Juda tate bangin, a inkote tengteng uh leng a pung kei uhi.

²⁸Huan Beer-seba ah, Molada ah, leh Hazar-sual ah a teng ua;

²⁹Huan Bilhah ah, Ezem ah, Tolad uh;

³⁰Bethuel ah, Horma ah, Ziklak ah;

³¹Huan Bethmarkabot ah, Hazarsusim ah leh Bethbiri, ah, Saaraim ah. Hiai David vaihawm tanphain a khopite uh ahi.

³²Huan Etam leh Ain, Rimmon, Token, Asan, a khotate uh ahi, khopi ngate:

³³Huan huai kima khotate tengteng Baal phain ahi. Hiaite a tenna uh ahia, huan khangthusuina a nei uhi.

³⁴Huan Mesobab, Jamel leh Amazia tapa Josa;

³⁵Huan Joel leh Josihibia tapa Jehu, Serai tapa, Asiel tapa;

³⁶Huan Elioenai, Jaakoba; Jesohai, Asia, Adiel, Jesimiel leh Benai;

³⁷Huan Siphi tapa Ziza, Allon tapa, Jedai tapa, Simri tapa, Semai tapa;

³⁸Hiai min lohte a inko sung ua lalte ahi uh: huan a pipute uh inkote a khang mahmah uhi.

³⁹Huan a ganhon uh adia loupanek zong dingin, guam suahlam pang tan pha hialin, Gedor lutna chiang phain a pai uhi.

⁴⁰Huan loupanek hoihna leh tamna a mu ua, gam ja leh, dai lah galmuang; tumaa huaia omte lah Ham akipan ahi ngal ua.

⁴¹Huan hiai min gelhte Juda kumpipa Hezekia dam laiin a hongpai ua, a puaninte uh leh huaia om Meunin a sual ua, tuni tan nasanin, amaute a hihse vek ua, a mun uah a tengta uhi; huai laia a gante uh adia loupanek a om jiakin.

⁴²Huan a lak ua khenkhatte, Simeon tapate ngei, mi za nga, a heutute uh Isi tapate Pelati, Neari, Rephaia, leh Uzziel makaihin Seir mual ah a hoh uhi.Huan a suakta Amalek mite laka omlaite a sualua, tuni tanin, huailaiah a tengta uhi.

⁴³Huan a suakta Amalek mite laka omlaite a sualua, tuni tanin, huailaiah a tengta uhi.