Read Paite 1 Chronicles 7 Bible Online

1 Chronicles 7 - Paite bible

1 Chronicles 7

¹Huan Isakar tapate; Tola, Puah, Jasub, Simron, Li.

²Huan Tola tapate; Uzzi, Rephai, Jeriel, Jahmai, Ibsam, Semuel, a pipute uh inkote lupente, huaibel, Tola akipan te; a khangte ua mi hat hangsante: David damlaia a zah uh sing nih leh sang nih leh za guk ahi uh.

³Huan Uzzi tapate; Izrahia: huan Izrahia tapate; Mikael, Obadia, Joel, Issia, nga: avek un mipipente ahi uh.

⁴Huan amau toh, a pipute uh inkote danin, a khangte un, kidouna dinga sepaih pawlte ahi uh, sing thum leh sang guk; ji leh tapa tampi a nei ngal ua.

⁵Huan Isakar inkote tengteng laka, mi hat hangsante, a unaute uh a vek ua khangthusutnaa sutin, sang sagih leh sawmgiar ahi.

⁶Benjamin tapate; Bela, Beker, Jediael, thum.

⁷Huan Bela tapate; Ezbon, Uzzi, Uzziel, Jerimoth, Iri, nga; pipute inkote lupente, mi hat hangsante; huan khangthusutnaa simin sing nih leh sang nih leh sawmthum leh li ahi uh.

⁸Huan Beker, tapate; Zemira, Joas, Elizer, Elioenai, Omri, Jeremoth, Abija, Anathoth, Alemeth. Hiaite tengteng Beker tapate ahi uh.

⁹Huan khangthu sutnaa sim ahi ua, a khangte uh dungjuiin, a pipute uh inkote lupente, mi hat hangsante, sing nih leh za nih ahi uh.

¹⁰Huan Jediael tapate; Bilhan: huan Bilhan tapate; Jeus, Benjamin, Ehud, Kenaan, Zethan, tarsis, Ahisahar.

¹¹Hiaite tengteng Jediael tapate ahi uh, a pipute uh inkote lupente dungjuiin, mi hat hangsan, sing khat leh sang sagih leh za nih ahi uh, kidouna adia sepaih pawla kuankhe thei dingte.

¹²Suppim leng Huppim, Ir tapate, Husim, Aher tapate.

¹³Naphtali tapate; Jahziel, Guni, Jezer, Sallum, Bilhah tapate.

¹⁴Manassi tapate, Asriel, a jiin a suan: (a mei Aram numeiin Gilead pa Makir a suang hi;

¹⁵Huan Makirin Huppim leh Suppim sanggamnu a min Maak jiin pi a; ) huan a nihna min Zelophehadin tanute a nei hi.

¹⁶Huan Maak Makir jiin tapa a neia, a minin Peres a saa; huan a unaupa min Seres ahi; huan a tapate Ulam leh Rakem ahi uh.

¹⁷Huan Ulam tapate; Bedan. Hiaite Gilead tapate ahi uh Makir tapa, Manassi tapa.

¹⁸Huan a sanggamnu Hammoieketin Ishbod, Abiezer, Mahlah a nei a.

¹⁹Huan Semid tapate Ahian, Sekem, Likhi, Aniam ahi uh.

²⁰Huan Ephraim tapate; Suthelah, Bered a tapa, Tahath a tapa, Elead a tapa, Tahath a tapa,

²¹Huan Zabad a tapa, Suthel a tapa, Ezer, Elead, a gante uh la mang dinga a hongpai suk gamsunga om Gath miten a thatta uh.

²²Huan a pa uh Ephraimin ni tampi a suna, huchiin a unaute amah lungmuan dingin a hong uh.

²³Huan a ji kiangah a hoha, nau a paia, tapa a neia, a insung a tuahsiat jiakin a min dingin Beria a sata hi.

²⁴Huan a tanu Sira ahi a, Beth-horon nuainung leh tungtung leh Uzzen-sera lamnu.

²⁵Huan Repha a tapa ahi, Reseph leng; Reseph tapa Tela, Tahan a tapa;

²⁶Ladan a tapa, Ammihud a tapa, Elisam a tapa;

²⁷Nun a tapa, Josua a tapa.

²⁸Huan a neihte uleh a tennate uh Bethel leh huaia khuate ahi, suahlamah Naaran, tumlamah Gezer, huaia khopite toh, huaia Azzah leh khopite tanin:

²⁹Huan Manassi tate gamgi chinah, Beth-sean leh, a khopite, Taanak leh a khopite, Megiddo leh a khopite, Dor leh a khopite, Hiaite ah Israel tapa Joseph tate a teng uhi.

³⁰Aser tapate; Imna, Isva, Isvi, Beria, Sera a sanggamnu uh.

³¹Huan Beria tapate, Heber, Malkiel, Birzaith pa.

³²Huan Heberin Japhlet, Somer, Hotham, Sua a sanggamnu uh a suang a.

³³Huan Japhlet tapate; Pasak, Bimhal, Asvat. Hiaite Japhlet tate ahi uh.

³⁴Huan Semer tapate; Ahi, Rohga, Jehubba, Aram.

³⁵Huan Helem a unaupa tapate; Zopha, Imna, Seles, Amal.

³⁶Zopha tapate; Sua, Hernephar, Sual, Beri, Imra;

³⁷Bezer, Hod Samma, Silsa, Ithran, Beera.

³⁸Haun Jether tapate; Jephunne, Pispa, Ara.

³⁹Huan Ulla tapate; Ara, Hanniel, Rizia.Hiaite tengteng Aser tate ahi uh, pipute inkote lupente, mihat, tel, hangsan, lalte laka lalte. Huan kidouna nasepna dinga Khangthusutnaa simin amau zah sing nih sang guk ahi uhi.

⁴⁰Hiaite tengteng Aser tate ahi uh, pipute inkote lupente, mihat, tel, hangsan, lalte laka lalte. Huan kidouna nasepna dinga Khangthusutnaa simin amau zah sing nih sang guk ahi uhi.