Read Paite Nehemiah 7 Bible Online

Nehemiah 7 - Paite bible

Nehemiah 7

¹Huan hichi ahi a, kulhbang lamkhit a hih a, kongkhakte ka tun khita, kongkhakngakmite leh lasamite leh Levi mite seh a hih khit nung un,

²Ka unau Hanani, leh Hanania kulh ukpa kiangah Jerusalem kepna ka piaa: mi ginom ahi a, tampi sanga Pathian laudansiam a hih jiakin.

³Huan a kiangah, Ni a sat mateng Jerusalem kongpite hon hi kei hen; huan galvila a din lai un, kong khakte khak uhenla, amaute kalhkhum un: huan Jerusalema tengte vengmi sep inla, mi chih amah dinmunah, mi chih amah in jawn chiat ah.

⁴Huan khopi a jain a liana: himahleh huaiah mite a tawm ua, inte lah lam ahi kei uh.

⁵Huchiin ka Pathianin ka lungtang miliante, vaihawmmite, mipite, kaikhawm dingin a koiha, huchia khangsutnaa sim a hih theihna ding un. Huan a masapena honglang amaute khangsutna laibu ka mutaa, huaiah gelha om ka mu:

⁶Hiaite bial naupangte ahi ua, Nebukadnezzar Babulon kumpipan a pimangte, huai pimanga omte laka saltanna kipana piakhe toute, Jerusalem leh Judaa kik nawn, mi chih amah khopia kik;

⁷Zerubbabel, Jesua, Nehemia, Azaria, Raamia, Nahamani, Mordekai, Bilsan, Mispereth, Bigvai, Nehum, Baana toh hong paite.

⁸Israel mite laka pasal zah: Paros tate, sangnih za khat leh sawmsagih leh nih.

⁹Sephatia tate, za thum sawmsagih leh nih.

¹⁰Ara tate, za guk sawmnga leh nih.

¹¹Pahath-moab, tate, Jesua leh Joab tate, sang nih leh za giat leh sawmlehgiat.

¹²Elam tate, sang khat za nih sawmnga leh li.

¹³Zattu tate, za giat sawmli leh nga.

¹⁴Zakkai tate, za sagih leh sawmguk.

¹⁵Binnui tate, za guk sawmli leh giat.

¹⁶Bebai tate, za guk sawmnih leh giat.

¹⁷Azgad tate, sang nih za thum sawmnih leh nih.

¹⁸Adonikam tate, za guk sawmguk leh sagih.

¹⁹Bigvai tate, sang nih sawmguk leh sagih.

²⁰Adin tate, za guk sawmnga leh nga.

²¹Ater, Hezekia tate, sawmkua leh giat.

²²Hasum tate, za thum sawmnih leh giat.

²³Bezai tate, za thum sawmnih leh li.

²⁴Harip tate, za khat leh sawmlehnih.

²⁵Gibeon tate, sawmkua leh nga.

²⁶Beth-lehem leh Netophah tate, za khat sawmgiat leh giat.

²⁷Anathot mite, za khat sawmnih leh giat.

²⁸Beth-azmaveth, mite sawmli leh nih.

²⁹Kiriathjerim, Kephir, Beer-oth tate, za sagih sawmli leh thum.

³⁰Rama leh Geba mite, za guk sawmnih leh khat.

³¹Mikma tate, za khat leh sawmnih leh nih.

³²Beth-el leh Ai mite, za khat sawmnih leh thum.

³³Nebo dang mite, sawmnga leh nih.

³⁴Elam dang tate, sang khat za nih sawmnga leh li.

³⁵Harim tate, za thum leh sawmnih.

³⁶Jeriko tate, za thum sawmli leh nga.

³⁷Lod, Hadid leh Ono tate, za sagih sawmnih leh khat.

³⁸Sena tate, sang thum za kua leh sawmthum.

³⁹Siampute: Jedaia tate, Jesua inkuan akipan, za kua sawmsagih leh thum.

⁴⁰Imer tate, sang khat sawmnga leh nih.

⁴¹Pasur tate, sang khat za nih sawmli leh sagih.

⁴²Harim tate, sang khat leh sawmlehsagih.

⁴³Levi mite: Jesua, Kadmiel tate, Hodeva tate, sawmsagih leh li.

⁴⁴Lesamite: Asaph tate, za khat sawmli leh giat.

⁴⁵Kongkhakngakte: Sallum tate, Ater tate, Talmon tate, Akkub tate, Hatita tate, Sobai tate, za khat sawmthum leh giat.

⁴⁶Nithinim mite: Ziha tate, Hasupha tate, Tabbaoth tate;

⁴⁷Keros tate, Sia tate, Padon tate;

⁴⁸Lebana tate, Hagaba tate, Salmai tate;

⁴⁹Hanan tate, Giddel tate, Gahar tate;

⁵⁰Reaia tate, Rezin tate, Nekoda tate;

⁵¹Gazzam tate, Uzza tate, Pasea tate;

⁵²Besai tate, Me-unim tate, Nephusesim tate;

⁵³Bakbuk tate, Hakupha tate, Harhur tate;

⁵⁴Bazlit tate, Mehida tate, Harsa tate;

⁵⁵Barko tate, Sisera tate, Tema tate;

⁵⁶Nezia tate, Hatipha tate.

⁵⁷Solomon sikhate tate: Sotai tate, Sophereth tate, Perida tate;

⁵⁸Jaala tate, Darkon tate, Giddel tate;

⁵⁹Sephatia tate, Hattil tate, Pakereth-hazzebaim tate, Amon tate.

⁶⁰Nithinim mite tengteng leh Solomon sikhate tate, za thum leh sawmkua leh nih.

⁶¹Huan hiaite Tel-melah, Tel-harsa, Kerub, Addon leh Immer akipan pai toute ahi uh: himahleh a pipute uh inkote, hiam a chi uh hiam, Israel akipan ahi hia chih a ensak theikei uhi:

⁶²Delaia tate, Tobia tate, Nekoda tate, za guk sawmli leh nih.

⁶³Siampute akipan: Hobaia tate, Hakkoz tate, Barzillai tate, Gilead mi Barzillai tanute laka zi neipa, a min uh tama minsak.

⁶⁴Hiaiten khangthusuinaa sima omte lakah a mingelhna uh a zong uh, himahleh muhin a om kei: huaijiakin nin a sim ahi ua siamputna akipan koihkhiak.

⁶⁵Huan ukpipain a kiang uah, siampu khat Urim leh Thummim toh a hongsuah mateng thil siangthou penpente laka a nek louh ding uh ahi chih a gen a.

⁶⁶Omkhawmte tengteng a vek un sing li leh sang nih leh za thum leh sawmguk,

⁶⁷A pasal sikhate uh leh a nungak sikhate uh, sang sagih za thum sawmthum leh sagihte, sim louhin: huan pasal lasa leh numei lasa za nih sawmli leh nga a nei uhi.

⁶⁸A sakolte uh za sagih sawmthum leh guk; a sakolneute uh, za nih sawmli leh nga;

⁶⁹A sangawngsaute uh, za li sawmthum leh nga; a sabengtungte uh sang guk za sagih leh sawmnih.

⁷⁰Huan pipute inkote laka lupente lak akipan khenkhatte nasem dingin a kipia uh. Ukpipain sumbawm ah dangkaeng darik sang khat, maiphiatkuang sawmnga, siampute puan za nga leh sawmthum a pia hi.

⁷¹Huan pupute inkote laka lupente laka khenkhatten dangkaeng darik sang sawmnih leh, dangka puan sang nih leh za nih a pia uhi.

⁷²Huan mipitelaka adangdangte piak dangkaeng darik sang sawmnih leh dangka puan sang sawmnih leh, siampute puan sawmguk leh sagih ahi.Huchiin siampute leh, Levi mite leh, kongkhakngakte leh lasamite leh, mite laka a khente leh, Nethinim mite leh Israel tengteng a khopite uah a tengta uhi. Huan a kha sagihna a hongtunin, Israel tate a khopite uah a om uhi.

⁷³Huchiin siampute leh, Levi mite leh, kongkhakngakte leh lasamite leh, mite laka a khente leh, Nethinim mite leh Israel tengteng a khopite uah a tengta uhi. Huan a kha sagihna a hongtunin, Israel tate a khopite uah a om uhi.