Read Paite Job 10 Bible Online

Job 10 - Paite bible

Job 10

¹Ka khain ka hinna a chimtaka; ka utdandanin ka phun ding hi: ka kha thangpaihnain ka gen ding.

²Pathian kiangah, Honmohpaih ken; bangdia honkinakpih na hia hontheisak in, ka chi ding hi.

³Na nuaisiah nang adia hoih ahi maw, na khutte thilhih na muhsita, giloute thugen tunga na maitai?

⁴Sa mitte nei na hi hia, ahihkeileh mihing muh banga mu na hi hia?

⁵Na nite mihing nite bang hia, ahihkeileh na kumte mihing kumte bang,

⁶Ka thulimlouhna na kana, ka khelhna na nungdelha,

⁷Ka gilou kei chih na theih nakpia, na khuta kipan hon suaktasak ding a omlouh?

⁸Na khutten a honsek un a honbawl kimvel sipsipa; tun kiheiin non hihse dia hia?

⁹Theigige in, ka honngen ahi, tungman banga na honmek dan; leivui hontun nawn ding na hi hia?

¹⁰Nawitui bangin na honsung khiain, nawituidat bangin na hontok kei maw?

¹¹Vun leh sain na hontuama, guhte leh thagui-tein na honphan khawm hi.

¹²Hinna leh deihsakna na honphala, huan na kepnain ka lungsim a hawi hi.

¹³Himahleh hiai thilte na lungtang sungah na sela; hiai bel na tup ahi chih ka thei hi:

¹⁴Thil ka hihkhelh leh, huchiin non chiamteha, huan ka thulimlouhna akipan na honkhah kei ding hi.

¹⁵Ka gitlouh leh, ka tung a gik hi; ka diktat leh, huchiin leng ka lutang ka sangsak kei ding, zahlaknaa dim ngalin leh ka gimthuakna enin.

¹⁶Huan ka lutang a kiletsak leh, humpinelkai bangin nang non benga: huan ka tunga na lamdandan na hon ensak nawn hi.

¹⁷Kei kalh na palaite na thaksaka, ka tunga na hehna na khangsaka; hondou ding sepaih hon thak non sawl hi.

¹⁸Bangdia sul akipan kei honlakhia na hia oi leh? na si taleng, kuamah muh main.

¹⁹Omlou mahbang bangta ding hiinga; sul akipana hana puaka omta ding hi inga.

²⁰Ka nite a tom kei maw? huchi ahihleh, tawpin, honom sak maimaiin, huchia neukhaa ka lungmuan theihna dingin.

²¹Ka kik nawn louhna akipana ka pai main, khomialna gam leh sihna limliap gam mahmah ah:Mialna mahbanga, mialna sahna gama: sihna limliap gam, dan himhim omlouhna, khovak khomial banga a omna mun ah.

²²Mialna mahbanga, mialna sahna gama: sihna limliap gam, dan himhim omlouhna, khovak khomial banga a omna mun ah.