Read Paite Job 13 Bible Online

Job 13 - Paite bible

Job 13

¹Ngaiin, ka mitin hiai tengteng a muta hi, ka bilin huai a jaa a theisiam ta hi.

²Na thei uh, huaimah ken leng ka thei hi: nou sangin ka niamzo kei hi.

³Thilbangkimhihthei kiangah thu ka gen mahmah ding, huan Pathian toh houlim ka ut hi.

⁴Himahleh nou jaw juau phuakte na hi ua, a phattuamlou daktolte na hi vek uhi.

⁵Aw na vek un dai sipsip le uchin maw; na pilna uh hi ding hiven.

⁶Tuin ka thusut ja un, ka mukte ngetna ngaikhia un.

⁷Pathian adingin diktatloutakin thu na gen ding uam, amah adingin khemhat takin na houlim ding uam?

⁸Ami na zahtak ding uam? Pathian adin na sual ding uam?

⁹Nou a honzonkhiak a hoih hia? ahihkeileh min mi a khem bangin, amah na khem ding uam?

¹⁰Nou a honsal mahmah ding, a guka mite na zahtak uleh.

¹¹A hoih tungtuannain nou a honlausak kei dia hia, nou tungah a kihtakhuaina a ke kei diam?

¹²Na thugen minthangte uh vut paunakte ahi, na kidalnate uh tungman kidalnate ahi.

¹³Dai unla, thu ka gen theihna dingin, honomsak maimai un, ka tungah a hongtung ding hongtung heh.

¹⁴Bangdingin ka hain ka sa ka lain, ka khut ah ka koih dia?

¹⁵Aman honhihlum mahleh, amah ka ngak lai ding: ama ah ka lampite ka kemhoih lailai ding hi.

¹⁶Hiai leng ka hotdamna ahi ding; pathianlimsaklou mi a maa hongpai lou ding a hih jiakin.

¹⁷Ka thugen thanuam takin ja un, ka thuphuan na bil sung uah om hen.

¹⁸Ngai un, tuin ka thu ka bawlhoihtaa; ka diktat ahi chih ka thei hi.

¹⁹Kei hon kiselpih ding amah kua ahia? kei lah tuin ka dai dia kha ka khah ding hi.

²⁰Ka tungah thil nih hih kei phot le uchin, huan na mai akipan ka bu kei ding hi.

²¹Kei akipanin gamla ah na khut kai kikin; huan na lauhuainain honlausak ken.

²²Huaichiangin honsam lechin, ka hondawng ding; ahihkeileh honpausak inla, hondawng in.

²³Ka thulimlouhnate leh khelhnate bang ahia? Ka tatlekna leh ka khelhna hontheisakin.

²⁴Bangdia na mai sela na melma dia honbawl na hia?

²⁵Singnah mutleng na hihbuai dia hia? buhpawl keu na delh dia hia?

²⁶Nang lahkei demin thil kha taktak na gelh ngala, ka tuailai thulimlouhnate na honluahsak hi:

²⁷Ka khete leng kol na bunsaka, ka lampite tengteng na chiamteh hi; ka khenuai kimah gi na khunga.Mihing jaw thil muat bangin a mangthanga, nget nekgawp puansilh bangin.

²⁸Mihing jaw thil muat bangin a mangthanga, nget nekgawp puansilh bangin.