Read Paite Job 17 Bible Online

Job 17 - Paite bible

Job 17

¹Ka lungsim hihgawpin a oma, ka nite a bei, kei dingin han mansain a om hi.

²Ka kiangah musitmite a om taktak ua, a hehna uah ka mit a omgige hi.

³Tuin thuchiam honpia in, nangmahmah toh kei adingin mohkhu honghi in; kei toh khutte beng ding kua a oma?

⁴Theihsiamna akipan a lungtang uh na sel ngala: huai jiakin amau na hihlian kei ding hi.

⁵Kuapeuh matdinga a lawmte heka, a neihlehlam tan tummi, a tate nangawn nit a juausuak ding hi.

⁶Mite houlimna dingin a honbawl laia; huan tangpi kih ka honghita hi.

⁷Lungkhamna jiakin ka mit leng a miala, huan ka hiangte tengteng limliap bang ahi.

⁸Mi dikten hiaiah lamdang a sa ding ua, huan mihoih pathianlimsakloute dou dingin a kitokthou ding.

⁹Himahleh mi diktat a lampi ah a pang zouzou dia, huan kuapeuh khut siangneite a hat semsem ding uhi.

¹⁰Himahleh hongkik un, na vek un, huan tuin hong un: huchiin na lak uah mi pil ka mu kei ding.

¹¹Ka nite a beita, ka thiltupte a se gawpta hi, ka lungtang ngaihtuahte nasanin.

¹²Jan sunin a kheng ua: khovakin khomial a naih, a chi uh.

¹³Seol ka in bangin en leng; khomial ah ka tutnanem phahta leng;

¹⁴Siatna kiangah, Ka pa na hi, chi leng; tangtel kiangah, ka nu leh ka sanggamnu na hi, chi leng;

¹⁵Huchi hileh ka lametna koia om ahia? Huan lamet nei hileng kuan honmusak dia?Seol mundai ah te paisukin leivui ah ka kik khawm ding ua adiam?

¹⁶Seol mundai ah te paisukin leivui ah ka kik khawm ding ua adiam?