Read Paite Job 18 Bible Online

Job 18 - Paite bible

Job 18

¹Huchiin Bildad Sua miin a dawnga, hichiin a chi a:

²Thute zonga bangtan thang kam ding na hia ua? Ngaihtuah in, huaikhit chiangin ka pau ding uh.

³Bangdia gamsa banga sima oma, na mitmuh ua sianglou honghi ka hi ua?

⁴Nang na hehna kipumpei nang jiakin lei mangngilhin a om diam? ahihkeileh a mun akipatin suangpi suan khiakin a om diam?

⁵A hi, migilou vakna mihsakin a om dinga, a meiek a tang kei ding.

⁶A puanin ah vakna a mial dia, a tunga a khawnvak mihsak ahi ding.

⁷A hatna kalsuante hihtuailuai ahi dia, huan amah thupha genin amah a paikhe ding hi.

⁸Amah khe mahmahin lah len sungah amah a pai lut ngala, huan len ah a kiawksak hi.

⁹Thangin a khetulah a man dia, thangin amah a len ding hi.

¹⁰Leiah amaha dingin a ba selin a oma, lampi ah amah adin thang.

¹¹Kihtakhuaiten ning chiteng ah amah a lausak dia, a khetul ah a delhjui ding hi.

¹²A hatna gilkial nekin a om dia, huan tuahsiatna a khawlna dingin mansain a om ding.

¹³A pumpi hiangte a negai dinga, ahi, ahiangte sihna ta masapenin a negai ding.

¹⁴A suan a puanin akipan zungkalh khiakin a om dia; huan lauhuainate kumpipa kianga piin a om ding.

¹⁵Amaha hi lou a puanin sungah teng a om ding: a tenna ah kat theh jakin a om ding hi.

¹⁶Nuailamah a zungte a keu dia, huan tunglamah ahiang sat khiak ahi ding.

¹⁷Lei akipanin a theihgige a mangthang ding; huan kongzing ah min a neikei ding.

¹⁸Khovak akipanin khomial ah hawllut ahi dinga, huan khovel akipana delh khiak.

¹⁹A mite lakah tapa a neikei dia tapa tapa leng: a omna ah kuamah omlai a om kei ding hi.

²⁰Tumlama omten a ni lamdang a sa ding ua, suahlama omte hihlaua a om bang un.Huchibang mi diktatloute tennate ahi petmaha, huan hiai Pathian theilou mi mun ahi hi.

²¹Huchibang mi diktatloute tennate ahi petmaha, huan hiai Pathian theilou mi mun ahi hi.