Read Paite Job 35 Bible Online

Job 35 - Paite bible

Job 35

¹Huailouin Elihuin a dawnga, hichiin a chi a:

²Hiai na dikna hiin na ngaihtuah hia, ahihkeileh, keia mawng ahi, Pathian mai ah, na chi hia,

³Kei adingin bang phattuamna a om dia? huan. Ka khelh nak sal aleh, bang phattuamna ka neia? na chih?

⁴Nang, leh na kianga na lawmte ka hondawng ding.

⁵Vante lam en inla, mu in; huan vante, nang sanga sangjaw, en in.

⁶Na hihkhelh leh, amah dema bang hih na hia? Huan na tatleknate punsak hileh, amah tunga bang hih na hia?

⁷Daktat hi lechin, amah bang na pia a? Ahihkeileh na khut akipan bang a mu a?

⁸Na gitlouhnain mi bang bangin a hihna thei a; huan na diktatnain mihing tapa a hih hampha thei hi.

⁹Nuaisiahna tam mahmah jiakin a kikou khia ua; mi hat ban jiakin panpih deihin a kikou uh.

¹⁰Himahleh kuamahin, Jan chia late pia, Pathian kei Bawlpa koia om ahia;

¹¹Leia gamsate sanga honsinsak tamjaw leh, vana vasate sanga hon pilsakjaw? A chi kei uh.

¹²Huailaiah a kikou ua, himahleh, mi gilou kisaktheihna jiakin, kuamahin dawnna a pe kei uh.

¹³Chihtaktakin Pathianin bangmahlou aza kei dia, Thil bangkim hihtheiin leng a limsak sak kei ding hi.

¹⁴Nang ngial houh: Amah ka mu kei, a thu maah a om, amah ka ngak hi, na chih vial.

¹⁵Himahleh tuin, heha a veh louha, kiotsakna leng a limsaklouin jiakin;Huaijiakin Jobin bangmahlouin a kam a ka ahi; theihna beiin thu a tamsak ahi.

¹⁶Huaijiakin Jobin bangmahlouin a kam a ka ahi; theihna beiin thu a tamsak ahi.