Read Paite Job 36 Bible Online

Job 36 - Paite bible

Job 36

¹Elihu mahin a gen jela, huchiin a chi a:

²Honna thuakzou zek inla, huan ka hon ensak ding; Pathian sikin lah banghiam khat gending ka nei ngala.

³Gamla akipan ka theihna kon la dinga, huan diktatna kei Bawlpa tungah ka nga ding hi.

⁴Diktakin ka thute lah juau ahi ngal keia: hoihkim khat lah ka kiangah a om hi.

⁵Ngaiin, Pathianin thil a hihtheia, kuamah a musit kei: theihsiamna hatna ah thil a hihthei hi.

⁶Gilou hinna a hawi keia: himahleh gimthuakte kiangah a dikna uh a pia hi.

⁷Mi diktat akipan a mit a la kik keia: himahleh laltutphah tunga kumpipa toh amau khantawnin a koiha, huchiin hihletin a om uhi.

⁸Huan sikkhautea gaka a om ua, gimthuakna guitea laka a om uleh;

⁹Huchiin a thilhih uh amau a ensaka, huan a tatlekna uh, huchia kisatheitaka a na omna uh.

¹⁰Thuhilhna lamah a bil uh leng a honsaka, thulimlouhna akipan kik dingin thu a pia hi.

¹¹Amah thu a ngaihkhiak ua, a na a sep uh leh, a nite uh hausaknain a hihbei ding ua, a kumte uh kipahnain.

¹²Himahleh a ngaihkhiak kei ua leh, namsauin a mangthang ding ua, huan theihna beiin a si ding uh.

¹³Himahleh amau lungtanga pathianilimsaklouhnaten hehna a khol khawm uhi: amau a hen laiin panpih deihin a kikou kei uh.

¹⁴Tuailaiin a si ua, siangloute lakah a hinna uh a mangthang hi.

¹⁵A gimthuaknain gimthuakte a suaktasaka, nuaisiah na ah a bil uh a honsak hi.

¹⁶A hi, gakchihna om louhna mun, mun lian lamah dahna akipan nang a honpi mang ta ding a; huan na donkan tunga kilui thaunain a dimta ding hi.

¹⁷Himahleh giloute vaihawmnain na dima: vaihawmna leh diktatnain nang nang a honlen hi.

¹⁸Thangpaihna a om jiakin, pilvangin huchilouin jaw na kichinnain nang a honpi mangkha ding hi; tatna letnain leng nang honpialsak sam kei hen.

¹⁹Dahna a na om louhna dingin, na hauhsaknate a hun diam, ahihkeileh na hatna thilhihtheihna tengteng?

²⁰Mite tengteng a mun ua sat khiaka a om lai un, jan deih ken.

²¹Pilvangin, gilou limsak ken: gimthuakna sangin hiai lah na telta ngala.

²²Ngaiin, Pathianin a thilhihtheihnain sangtakin a hih: amah bang sinsakmi kua ahia?

²³Kuan amah a lampi thu a piaa? ahihkeileh, kuan, Diklouhna na bawlta, a chi thei dia?

²⁴Miten la a asak uh, a thilhih hihlian dingin theigige in.

²⁵Huaiah mite tengteng a en ua; huai mihing in gamla pi ah a mu hi.

²⁶Ngaiin, Pathian a liana, amah I theikei uh: a kumte zah zontheih ahi kei.

²⁷Tui takte aman a tawi khin ngala, huai a tuihu akipan vuah a ju:

²⁸Huai vanten a sungkhe suk ua, tampipiin mihing tungah a tak.

²⁹A hi, meipi kiphahte, a in vanpigingte kuamahmahin a theisiam dia?

³⁰Ngaiin, a kimah a khovak a jaka: huan tuipi nuai a tuam hi.

³¹Hiaitein lah mite a vaihawmsak ngala; an tampi a pia hi.

³²Khophiain a khutte a tuama; huan chiamtehna khoh dingin thu a pia hi.Huai husain a tungtang thu a gena, ganhonten leng hongkuan tou huihpi tungtang thu.

³³Huai husain a tungtang thu a gena, ganhonten leng hongkuan tou huihpi tungtang thu.