Read Paite Job 37 Bible Online

Job 37 - Paite bible

Job 37

¹Hiaiah leng ka lungtang a linga, a mun akipan suanin a om hi.

²A awging leh a kam akipana ging paikhia nouten ngaikhia un.

³Van pumpi nuaiah huai tuh a sawlkhiaa, huan a khophia lei tawpnate tannin.

⁴Huai zohin aw a kikoua; a lalna awin vanpi a gingsaka: huan a aw jaka a om chiangin amau a len kei.

⁵Pathianin a awin lamdangtakin vanpi a gingsaka; I theih theihlouh, thil thupite a hih jel hi.

⁶Aman lah vuk kiangah, Lei ah kiain, a chi ngala; huchi mahbangin vuah malphin kiangah leng.

⁷Mi chiteng khut a tuambita; huchia a bawlsa mite tengtengin huai a theihtheihna ding un.

⁸Huailaiin gamsate a mun uah a lut ua, huan a kuate uah a om nilouh uh.

⁹Simlam dantan akipan huihpi a honga: mallam akipan khovot.

¹⁰Pathian huin tuikhal piak ahi: huan tuite nakna hihhaksatin a om.

¹¹A hi, meipi nawnna a posaka; a khophia meipi a phalhsak hi:

¹²Huan amah piin a kivial heihei ua, tentheihna khovel maikaih tunga amaute thu a piak peuhmah a hihna ding un: S

¹³Bawlhoihna ding hiam, a gam ading hiam, ahihkeileh chitna ding hiama, a hon paisakna ah.

¹⁴Hiai ngaikhiain, Aw Job: Ding kinken inla, Pathian thilhih lamdangte ngaihtuah in.

¹⁵Amaute tunga Pathianin a thupiak a koiha, a meipi khophia a tansak dan na thei hia?

¹⁶Meipite kibukdiknate, amah theihna hoihkim thilhih lamdangte na thei hia?

¹⁷Sim huih jiaka lei a daih sisip laia, na puansilhte a lum dan?

¹⁸Amah toh van, suntawm limlang banga khauh, na phalh thei hia?

¹⁹A kianga ka gen ding uh hon sinsak in; mialna jiakin lah ka thugen ding uh ka gelkhol theikei ua.

²⁰Thu ka gen ding chih amah hilh ding a diam? ahihkeileh mihingin valh khita om ut ding a diam?

²¹Huchiin miten vantea om vak khovak a mu kei ua: himahleh huih a nunga, amaute a hihsiang hi.

²²Mal akipanin dangkaenga thupi a hongpaia: Pathianin lalna kihtakhuai a tungah a nei hi.

²³Thil bangkim hihthei thu ahihleh, mu theikei hang: thilhihtheihna ah a thupi pet mah hi: Huan vaihawmna leh dikna hauhna ah gim a thuaksak kei ding hi.Huaijiakin miten amah a lau ua: lungtanga pil kuamahmah a limsak kei hi.

²⁴Huaijiakin miten amah a lau ua: lungtanga pil kuamahmah a limsak kei hi.