Read Paite Job 39 Bible Online

Job 39 - Paite bible

Job 39

¹Suangpia gam sathakten a suahsak hun uh na thei hia? ahihkeileh nou a neih lai uh na chiamteh thei hia?

²A chinsak zah khate na sim thei hia? Ahihkeileh a suahsak hun na thei hia?

³A kun ua, a tate uh a suang uh, a lungkhamnate uh a pai khia uhi.

⁴A tate uh deihhuai takin a om ua, gamlak ah a khang lian ua; a kuankhia ua, a hongkik nawn kei uh.

⁵Kuan gam sabengtung a khah khiaa? Ahihkeileh kuan gam sabengtung honte a phel a?

⁶Loupa gam a inin ka bawla, huan chi gam a tenna munin;

⁷Khopi buai nuanua a musita, hawlmi kikounate leng a za sam kei hi.

⁸Mual dungte a gantatna mun ahia, huan thilhing chiteng a zong hi.

⁹Na na sem gingin gam bawngtal a lungkim diam? Ahihkeileh na anpiakna kiangah a omgige diam?

¹⁰Leilehna ah khauin gam bawngtal na khih thei diam? Ahihkeileh na nungah guamte a toktam diam?

¹¹A hatna a thupi jiakin, amah na muang diam? Ahihkeileh a kiangah na sepgimna na khiat diam?

¹²Na chi in a hontuta, na buhphuala buh a kaihkhawm theihna dingin amah na muang diam?

¹³Ostrik-va kha kisathei takin a kijapa; himahleh a khavengte leh a multe a migi hia?

¹⁴A tuite lah leitungah a nusiaa, leivui ah a lumsaka,

¹⁵Khein a sikkham thei chih a mangngilha, ahihkeileh gamsain a sikgawp thei chih.

¹⁶Amaha hi lou bangin, a noute siatna dingin a khauha: a sep gimna bangmahlou hita zongleh, a lau kei hi:

¹⁷Pathian in pilna a ngolhsak jiakin, theihsiamna leng a pe sam kei hi.

¹⁸Tungsang lama a kitawi sang chiangin, sakol leh a tungtuangmi a nuihsan.

¹⁹Sakol a hatna na piak hia? Mul nemin a ngawng na tuam hia?

²⁰Khaukhup bangin na tawmsak hia? A hamna thupi a lauhuai ve.

²¹Guam ah lei a tuana, a hatna ah a kipaka: mi kigalvante tuak dingin a pai khia.

²²Lauhuai a nuihsana, a lungdong keia; namsau leng a nungngat sam kei hi.

²³Amah ah thalbawm a ging lenglenga, teipi tezelzel leh chiangzum.

²⁴Kihtakhuaina leh hehnain lei a nawmvalha; Pengkul aw ahi chih leng a um sam kei hi.

²⁵Pengkul a gin tengin, Hah; a chi a, huan kidouna, heutute vanpiging leh kikou, gamlapi apan a thei.

²⁶Na pilnain mu sangpi a lengsakin, a khate simlamah a phalh hia?

²⁷Nang thupiakin muvanlai a tunglen in, tungsang ah a bu a sep hia?

²⁸Suangpi tungah a tenga, huailaiah giahna a neia, suangpi hengte ah leh kulh muanhuaite ah.

²⁹Huai akipanin matding a mu a; a miten gamla ah a mu hi.A nouten leng sisan a tep bei ua: huan thah omna mun ah, huailaiah a om hi.

³⁰A nouten leng sisan a tep bei ua: huan thah omna mun ah, huailaiah a om hi.