Read Paite Job 40 Bible Online

Job 40 - Paite bible

Job 40

¹Huailouin Toupan Job a dawnga, hichiin a chi a:

²Kuapeuh awlmoh neilou in thil bangkim hihthei a kiselpih diam? Kuapeuh Pathian kiselpih, huai tuh amah dawngsak un.

³Huan Jobin Toupa a dawnga, hichiin a chi a.:

⁴Ngaiin, Bangmah ka hi keia; bang ka hon dawng dia? Ka kam ah ka khut ka koih.

⁵Khatvei ka pauta a, ka dawng kei ding; ahi nihvei, himahleh ka pau nawn kei ding.

⁶Huchiin Toupan Job pingpei akipanin a dawnga, hichiin a chi a:

⁷Ki pasal sakin tuin na kawng gak in: nang akipan ka honphut dia, kei kiangah na honphuang ding hi.

⁸Ka vaihawmna nangawn bangmahloua koih ding na hi hia? Siam na tantheihna dia, kei honmohpaih ding na hi hia?

⁹Ahihkeileh Pathian bangin ban na nei hia? Huan amah bangin awin vanpi na gingsak thei hia?

¹⁰Tuin nang hoihkim leh zahnain kijem in; zahna leh lalnain kivan in.

¹¹Na hehna dimlette sungkhia in; huan mi chih kisatheite en inla, hihniam in.

¹²Mi chih kisathei en inla, kainiam in; huan a dinna uah migiloute tuanchil in.

¹³Leivui ah amaute selkhawm in; mun daiah a mai uh kan in.

¹⁴Huchiin na khut taklamin nang a hondam thei chih ka honthei ding.

¹⁵Nang kon siam banga ka siam, tuin en in chingpi; bawngtal bangin loupa a ne.

¹⁶En in tuin, a hatna a kawngah a oma, a gilpi thate ah a hatna a om hi.

¹⁷Sidar sing bangin a mei a tangsaka: a pheite thaguite phankhawmin a om hi.

¹⁸A guhte dal lawng ahi uh; a guh leh tangte sik tawn bang ahi.

¹⁹Pathian lampitea a pipen ahi: amah bawlpa kiain a namsau amah kiang lam naih dingin a bawl thei ding.

²⁰Chihtaktakin mualten an amah a puak ua; gamsate tengteng mawlna munah.

²¹Tuilili singte nuaiah a luma, pumpeng mun dai leh gam nawng ah.

²²Tuilili singten amah a limun a khuh ua; luite singnahkaiten amah a tuam kimvel vek.

²³Ngaiin, lui a dimlet leh, a ling kei: a kam chiang pha hialin Jordan khang mahleh, a muang hi.A kiven laiin kuapeuhin amah sikkawiin a man diam, ahihkeileh thangin a nak a vut pailet diam?

²⁴A kiven laiin kuapeuhin amah sikkawiin a man diam, ahihkeileh thangin a nak a vut pailet diam?