Read Paite Job 41 Bible Online

Job 41 - Paite bible

Job 41

¹Ngakuaiin Ole na kai khe thei diam? Ahihkeileh a khauin a lei na sawm tum thei diam?

²A nak sungah khauhual na thun thei diam? Ahihkeileh sikkawiin a haijek na vut pailet thei diam?

³Na kiangah thil nget tampi a bawl diam? Ahihkeileh na kiangah thu nemte a gen diam?

⁴Khantawna dingin amah sikha dia na lak theihna dingin, nang toh thukhun a bawl diam?

⁵Vasa toh bangin amah toh na mawl diam? Ahihkeileh na sikhanute adingin amah na hen diam?

⁶Ngamanmi pawlten amah sumsinna dingin a bawl ding uam? Sumsinmite lakah amah a juak ding uam?

⁷Sik lenin a vun na dimsak thei diam, ahihkeileh a lu ngalingte in?

⁸A tungah na khut koih in; kidouna theigigein, huchibangin na hih nawn kei hial ding.

⁹Ngaiin, amah lametna bangmahlou ahi: amah muh mahmahin mi paihkhiakin a om kei dia hia?

¹⁰Amah hihhalh ngam khop dingin kuamah a hang kei: ka maa ding kua ahia leh?

¹¹Amah ka dit ding, ka kiangah kuan a pe masa aleh? Van pumpi nuaia om peuhmah keia ahi.

¹²A guhlehtang thu ah ka dai kei ding, a hatna mahmah leh, a pum kilawmna ah leng.

¹³A paunsilh tungnung kuan a suahsak thei dia? A kamkaih thuahnih sungah kua hongpai dia?

¹⁴A mai kongkhakte kuan a hong thei dia? A ha kimvelah lauhauina a om.

¹⁵A lip hattakte a kisaktheihna ahi, suai khaksa tobangin khak khum ahi.

¹⁶A kal ua huihzam a lut theihlouhna dingin, khatin a dang a naih mahmah.

¹⁷Khat leh a dang a kizom ua, a kisoumat ua, huchiin khentheihlouhin a om uh.

¹⁸A hahchhiauten a vaksak zola, a mitte jingsang mitvunte bang ahi.

¹⁹A kam akipanin meisel kuangte a pawt khia, meiekte a tawm khia hi.

²⁰A nakvangte akipanin meikhu a pawta, hal siangna bel leh chiklak loupa kang akipan bangin.

²¹A huin suang a kuangsaka, a kam akipanin meikuang a pawt khia hi.

²²A ngawng ah hatna a om gigea, a maah lauhuaina a lam hi.

²³Asa thate a kizom khawm ua: a tungah a kip ua; hihtat theihin a om kei uh.

²⁴A lungtang suang bangin a kip a; ahi, buhgawina suang nuainungjaw bang ahi.

²⁵Amah a thoh chiangin, mihatte a lau uh: lauluatna jiakin omdan ding a theikei uh.

²⁶Min amah namsauin sat leh, a phatuam kei hi; teipi leng, thal leng, sikmuk zum leng.

²⁷Buhpawl bangin sik a sima, sing muatsa bangin dal.

²⁸Thalin amah a taisak theikei ding: amah lakah vaisuanglot suangte buhpawl a suak hi.

²⁹Khetbukte buhpawl banga sim ahi: chiangzuma khohte a nuihsan hi.

³⁰A nuai lampangte belpei hiam ahi: buannawi tungah buh khetna chiang bangin a kiphah.

³¹Tuithuk bel banga sou dingin a bawla: tuipi nuhtheih bawm bangin a bawl hi.

³²A nungah lampi a vangsaka; tuithuk samkang min a sa ding hi.

³³Lei tungah amah bang a om keia, lau loua bawl.A sang peuh thil chiteng a ena: kisathei tapate tengteng tungah kumpipa ahi.

³⁴A sang peuh thil chiteng a ena: kisathei tapate tengteng tungah kumpipa ahi.