Read Paite Job 5 Bible Online

Job 5 - Paite bible

Job 5

¹Tuin samin; nang hondawng kuamahmah a om a? huan misiangthoute lakah a kua pen lam na nga dia?

²Lungjinnain lah mi hai a that ngala, huan thiknain mi mawl a hihlum sek hi.

³Mihai zungkai ka mutaa; himahleh thakhatin a tenna ka hamsiat hi.

⁴A tate bitna akipan gamla pi ah a om ua, huan kongpi ah hihgawpin a om uh, kuamah amaute suakta ding a om sam kei uhi.

⁵Kua anlak ding ahia gilkialmiin a gaih khita, ling laka kipan nasana a lak khiak, thangin a sum uh duhin a kam lianpiin a ka hi.

⁶Gimthuakna lah leivui akipanin a hongpawt keia, lei a kipanin buaina leng a hongdawn khe sam kei hi;

⁷Himahleh mihing buai ding maha piang ahi, meiekte a tou len bangin.

⁸Himahleh ken ahihleh, Pathian lamah ka zong dinga, huan Pathian kiangah ka thu ka koih ding hi.

⁹Thil thupite hihpa leh zonkhiaktheihlouh; sim zohlouh thil lamdangte:

¹⁰Lei tunga vuah pepa leh, loute tunga tui sawlpa:

¹¹Huchiin aman a niamsate tung sangah a koihtou a; huan misi sunte muanna ah a tawisang hi.

¹²Zekhemhatte lunggelte bangmahlou a suaksaka, huchiin a khutte un a thiltup uh a hih theikei uhi.

¹³Mi pilte a zekhemhatna un a mana: huan mihoihloute thugen akhupathalin a paihsak hi.

¹⁴Sunlaiin khomialna a thuak ua, janlai bangin suntang laiin a mai maimah uh.

¹⁵Himahleh a kam ua kipanin pabeite ahondama, mi hatte khut akipanin tasamte mahmah.

¹⁶Huchiin gentheiin lametna a neia, huan, thulimlouhnain a kam a humsak hi.

¹⁷Ngaiin, Pathianin a bawlhoih min nuam a sa hi; huaijiakin Bangkim hihthei sawina musit ken.

¹⁸Aman lah meima a bawla, a tuama: a liamsaka, huan a khutin a damsak hi.

¹⁹Buaina gukah a honsuakta sak dinga; ahi, sagih ah gilouin nang a honkhoih kei ding hi.

²⁰Kial chiangin nang sihna akipan a hontan ding; namsau thilhihtheihna akipan, kidou chiangin.

²¹Lei jepna akipanin selin na om dinga; siatna ahongtun chiangin na lau sam kei ding hi.

²²Siatna leh kialna ah na nui dinga, lei gamsate na kihta sam kei ding hi.

²³Gama suangte toh na kithuahtheih ding jiak un; huan gama gamsate nang tohna kituak ding uhi.

²⁴Huan na puanin muangin a om chih na thei ding; huan na ganhuang na veh dinga, bangmah kimlou a om kei ding hi.

²⁵Na chite leng a thupi ding chih na thei dinga, huan na suante lei loupa bangin.

²⁶Kum chingin na han na juan dinga, a huna buh lak bangin.Ngaiin, hiai, i zongta ua, huchiin a om, jain, na hoihna dingin theiin.

²⁷Ngaiin, hiai, i zongta ua, huchiin a om, jain, na hoihna dingin theiin.