Read Paite Psalms 103 Bible Online

Psalms 103 - Paite bible

Psalms 103

¹Ka hinna aw, TOUPA phat inla; ka sunga om tengteng aw, a min siangthou phat in!

²Ka hinna aw, TOUPA phat inla, a thilhih hoih tengteng mangngilh ken.

³Aman na thulimlouhna tengteng a ngaidam jela; na natna tengteng a hihdam jel.

⁴Manthatna lak akipan nahinna a tan jela; chitna leh lainatnate a honkhusak jel hi.

⁵Na kam tuh thil hoihin a taisaka; huchiin na valnouna mupi banga siam thakin a om nawn naknak hi.

⁶TOUPAN, nuaisiaha thuak tengteng adingin, thil kizente hihsakin, vaite a hawmsak nak hi.

⁷A lampite Mosi a theisaka, a thilhihte tuh Israel suante leng a theisak hi.

⁸TOUPA tuh lainatnaa dim, mi hehpihtheitak, lungnel tak, chitna hautak ahi.

⁹Aman a taikei dinga; a hehna tuh a pai nilouhlouh sam kei ding hi.

¹⁰I khelhnate bangin I tunguah a hih keia, I thulimlouhnate bangin leng a honthuk sam kei hi.

¹¹Van leitung sang taka a om bangin, amah laute tungah a chitna tuh a lian mahmah ahi.

¹²Suahlam leh tumlama kigamlat bangin, I tatlekna te tuh eimah a kipan in a koih mgangta hi.

¹³Pa in a tate a hehpih bangin, TOUPAN amah laute tuh a hehpih naknak.

¹⁴I pumpi kibawldan a theia, leivui lel I hi chih a theih jiakin.

¹⁵Mihing jaw, a damsung nite loupa bang ahi a; pawna pak bangin a lun nak hi.

¹⁶Huihin a muta, a mang jel ahi; a omnain a thei nawnta kei ding hi.

¹⁷TOUPA chitna bel amah kihtate tungah khantawn akipanin khantawn phain a om dinga, a diktatna leng a tusuan a tasuan tan un a om ding hi.

¹⁸A thukhun jui peuhmahte leh, a thuhilhte man tuma theigige peuhmahte tungah.

¹⁹TOUPAN a laltutphah tuh vanah a hihkipa; a gamin bangkim tungah vai a hawm hi.

²⁰A thu ngaikhia a, a thumang nou a angelten aw, hatnaa thupite aw, TOUPA tuh phat un.

²¹A sepaihte aw, a deihlam hiha nasemte aw, TOUPA tuh phat un.A vaihawmna mun peuhmaha a thilhih tengteng aw, TOUPA tuh phat un: ka hinna aw, TOUPA tuh phatin.

²²A vaihawmna mun peuhmaha a thilhih tengteng aw, TOUPA tuh phat un: ka hinna aw, TOUPA tuh phatin.