Read Paite Psalms 115 Bible Online

Psalms 115 - Paite bible

Psalms 115

¹TOUPA aw, kou honpelou in, koumau honpe louin, na min thupina pe jawin, na chitna leh na thutak jiakin.

²Bangachi-a nam chihin, a Pathian uh koia om ahia? Chi uh ahia?

³Ka Pathian u lah van ah a om ngala: a utut a hih ahi.

⁴A milimte uh dangka leh dangkaeng ahi ua, mihing khutsuak ahi uhi.

⁵Kam bang a nei ua, lah a pau kei ua; mit bang a nei ua, lah a mu theikei ua:

⁶Bil bang a nei ua, lah a za theikei ua: nak bang a nei ua, lah gim aza theikei ua;

⁷Khut bang a nei ua, bangmah lah a khoih theikei ua; khe bang a nei ua, lah a pai theikei ua; a dang un lah a pau thei sam kei uhi.

⁸Huai bawlte tuh huaite bangin a om ding ua; ahi, huai muang peuhmah te.

⁹Israelte aw, TOUPA tuh muang un: amah amau panpihpa leh a phaw uh ahi.

¹⁰Aron inkuanpihte aw, TOUPA tuh muang un: amah amau panpihpa leh a phaw uh ahi.

¹¹TOUPA laute aw, TOUPA muang un: amau panpihpa leh a phaw uh ahi.

¹²TOUPAN hon theigige a; vual a jawl ding: Israel inkuanpihte tuh vual a jawl dinga: Aron inkuanpihte tuh vual a jawl ding hi.

¹³TOUPA laute tuh vual a jawl ding, a lian a neuin.

¹⁴TOUPAN nou honhihpung deuhdeuh hen, nou leh na tate uh toh.

¹⁵TOUPA vualjawlna mute na hi uh, amah tuh lei leh van siampa ahi.

¹⁶Vante TOUPA vante ahi a; leilung bel mihing tate kiangah a pia ahi.

¹⁷Misiten TOUPA tuh a phat kei ua, mun dai taka pai sukte himhimin lah a phat sam kei uh;Kou bel TOUPA tuh ka phat ta ding uh, tu akipana, khantawnin, TOUPA tuh phat un.

¹⁸Kou bel TOUPA tuh ka phat ta ding uh, tu akipana, khantawnin, TOUPA tuh phat un.