Read Paite Psalms 116 Bible Online

Psalms 116 - Paite bible

Psalms 116

¹TOUPA ka it ahi, ka aw leh ka ngetnate a ngaihkhiak jiakin.

²Kei lama a bil a hondoh jiakin ka damsung tengin amah ka sam ding hi.

³Sihna khauhualten honviala, Sheol natnaten honmana: mangbatna leh lungkhamna ka na tuak hi.

⁴Huaitakin TOUPA min tuh ka lou a: Aw TOUPA, hehpihtakin ka hinna humbitin, chiin.

⁵TOUPA tuh mi hehpihtheitak leh diktattak ahi a; ahi, i Pathian uh mi lainatthei tak ahi.

⁶TOUPAN mi mawlte tuh a humbit naka: hihniamin ka oma, aman honhondamta hi.

⁷Ka hinna aw, na khawlna ah kik nawnta in; TOUPAN lah na tungah hoih takin a hihta ngala.

⁸Ka hinna sihna lakah, ka mitte khitui lakah, ka khete pukna lakah na humbit ngala.

⁹Mihing gamah TOUPA maah ka vak ding hi.

¹⁰Ka gingta a, thu ka gen ding ahi: nakpi taka hihgimin ka om hi.

¹¹Ka lungvaiin, Mi tengteng juau ahi uh, ka na chita mawka.

¹²Ka tunga a thilhih hoih tengteng jiakin TOUPA kiangah bang ahia ka piak thuk sam ding?

¹³Hotdamna nou ka la dinga, TOUPA min kalou ding hi.

¹⁴Ka thuchiamte tuh TOUPA lakah ka tangtun ding, ahi, a mite tengteng maah.

¹⁵A mi siangthoute sihna tuh TOUPA theihin manpha pi ahi.

¹⁶TOUPA aw, na sikha ka hi mahmah hi: na sikha, na sikhanu tapa, ka hi; non henna tuh na sutta hi.

¹⁷Kipahthugenna kithoihnate tuh ka honlan dinga, TOUPA min tuh ka lou ding hi.

¹⁸Ka thuchiamte tuh TOUPA lakah ka tangtun ding, ahi, a mite tengteng maah;TOUPA biakin huangsung intual a h, Jerusalem aw, na laitakah ka tangtun ding hi. TOUPA phat un.

¹⁹TOUPA biakin huangsung intual a h, Jerusalem aw, na laitakah ka tangtun ding hi. TOUPA phat un.