Read Paite Psalms 132 Bible Online

Psalms 132 - Paite bible

Psalms 132

¹Toupa, David a haksat thuakna tengteng theihpih in;

²Toupa kianga kichiam, Jakob mi hatpa kianga thu achiamdan;

³Ka omna in ah ka lut het kei dia, ka lupna ah ka kah sam kei ding hi;

⁴Ka miten a sin ka phal kei dinga ka mit vunte leng a sit uh ka phal sam kei ding;

⁵Toupa mun ding ka zon suah masiah, Jakob mi hatpa omna ding chiin.

⁶Ngaiin, a thu tuh Sphratathan-ah ka ja ua; sing gamah ka muta uhi.

⁷Amah omnate ah ka lut ding ua; a khe ngakna bulah chibai ka buk ding uhi.

⁸Toupa aw, thou inla, na khawl mun dingah lutin; nang toh na hatna bawm toh.

⁹Na siampute tuh diktatnain kivan uhenla; na mi siangthoute nuamsain kikou uhen.

¹⁰Na sikha David jiakin na thaunilh mel tuh kiheisak nawn ken.

¹¹Toupan David kiangah thutakin a kichiamta a; huai tuh a lehngatsan kei ding hi: na pumpi gaha mi laltutphah ka tusak ding.

¹²Na taten ka thukhun leh ka thutheihsak, amau ka hilh ding a zuih uleh, a tate u leng khantawnin na laltutphah ah a tu jel ding uh, chiin.

¹³Toupan Zion lah a tel ngala; a omna dingin a deih hi.

¹⁴Hiai khantawn adinga ka khawlmun ding ahi: hiaiah ka om nilouh ding; ka deihlam ahi ngala.

¹⁵A nek ding tampiin vual ka jawl dia; a mi gentheite uh tanghouin ka taisak ding hi.

¹⁶A siampute hotdamnain ka van dinga; a mi siangthoute nuamsain a kikoukou ding uhi.

¹⁷Huaiah David ki tuh ka sel khe sak ding: ka thaunilh adingin khawnvak ka septa hi.Amah doute tuh zahlaknain ka van dinga, amah tungah jaw a lallukhu a te sengsung ding hi, chiin.

¹⁸Amah doute tuh zahlaknain ka van dinga, amah tungah jaw a lallukhu a te sengsung ding hi, chiin.