Read Paite Psalms 137 Bible Online

Psalms 137 - Paite bible

Psalms 137

¹Babulon lui gei khawngah huailaiah i tu-a, ahi, i kap jela, Zion i ngaihtuahin.

²Huaia muisumte khawngah i kaihgingte i khai ua.

³Zion la khat honsaksak un, chiin, huaiah sala honpiten lasa dingin honsawl ua, honhihgentheiten lah nuamsa dingin leng honchi ngal nak uhi.

⁴Mi gam peuhah Toupa la bangchin i sa thei dia?

⁵Jerusalem aw, ka honmangngilh aleh, ka khut taklamin a thilsiam mangngilh sam hen.

⁶Kon theihgige kei aleh, ka lei ka dangtawngah belh bikbek hen; ka nopsakna pen sanga Jerusalem ka deih jawk ka leh.

⁷Toupa aw, Jerusalem ni jaw Edom suante tungah a selamin theigige in: a suangphum nangawn leng chimsak un, chimsak un, chite.

⁸Babulon tanu aw, hihmana om ding; ka tung ua na hih banga honthuk ding tuh kipakin a om ding hi.Na tanu noute honla saka, suangpa satna dia zangpa ding tuh kipak takin a om ding hi.

⁹Na tanu noute honla saka, suangpa satna dia zangpa ding tuh kipak takin a om ding hi.