Read Paite Psalms 142 Bible Online

Psalms 142 - Paite bible

Psalms 142

¹Ka awin, Toupa ka sama; ka awin Toupa kiangah hehpihna ka gen jel

²A maah ka mangbat thu ka gena; a maah ka buaina ka theisak jel.

³Ka kha ka sunga a bahlaiin, nangmah ngaiin ka lampi na theia. Ka paina lampi-ah ka awkna dingin thang a guk kam uhi.

⁴Ka taklamah om inla, en dih, kuamah honthei himhim a omta kei ua; ka kihumbitna a omta keia; kuamah himhimin ka hinna a limsakta kei uhi.

⁵Toupa aw, kon sama; nang ka kihumbitna, mihing gama ka tantuam na hi, ka chi a.

⁶Ka kikou husa ngaikhia in; nakpi taka hihniamin ka omta ngala. Honsimmohte lakah honhumbit in; kei sangin a hat zo ngalua.Na min ka phat theihna dingin, ka hinna suangkulh akipanin pi khia in: mi diktatten honum suak ding ua; nang hoihtaka non hih ding jiakin.

⁷Na min ka phat theihna dingin, ka hinna suangkulh akipanin pi khia in: mi diktatten honum suak ding ua; nang hoihtaka non hih ding jiakin.