Read Paite Psalms 145 Bible Online

Psalms 145 - Paite bible

Psalms 145

¹Kumpipa aw, ka Pathian, kon pahtawi dinga; na min khantawn khantawnin ka phat ding hi.

²Nitengin kon phat dinga; na min khantawn khantawnin ka phat ding hi.

³Toupa tuh a thupi-a, nakpi taka phat ding ahi; a thupidan tuh suikhiak vual ahi kei hi.

⁴Suan khatin suandang kiangah na thilhihte tuh a phat sawnsawn ding ua, na thilhih thupitakte tuh a theisak ding uhi.

⁵Nangmah pahtawina kilawmdan thupitak lehm na thillamdang-hihte ka ngaihtuah ding hi.

⁶Miten na thilhih mulkimhuaitakte hatdan a gen ding ua; ken leng na thupidan ka theisak sam ding hi.

⁷Na hoihna thupitak a theih uh a gen ding ua, na diktatna tuh nuamsa takin lain a sa ding uhi.

⁸Toupa mi hehpihthei, chitnaa dim; lungnel, chitna thupitak nei ahi.

⁹Toupa bangkim tungah leng a hoih ahi; a chitnate tuh a thilsiam tengteng tungah a oma.

¹⁰Toupa aw, na thilsiam tengtengin na kiangah kipahthu a honhilh ding ua; misiangthouten leng nang a hon phat ding uhi.

¹¹Na gam thupidan thu genin, na thil hihtheihna thu tuh houlimna dingin a honzang ding ua;

¹²Mihing tate kianga a thilhih thupitakte leh, a gam kilawmna thupidan theisak dingin.

¹³Na gam tuh khantawn gam ding ahi a, na thu neihna tuh suan omsung tengtengin a om gige ding hi. Toupa tuh a thute ah a muanhuaia, a nasepte ah deihsak a siam hi.

¹⁴Toupan pukte tengteng a len gige jela, kun kheukheua om tengteng a kaitang jel hi.

¹⁵Amau tengteng mit tuh nang tungah a tu a; a hun takah a annek ding uh na pia hi;

¹⁶Na khut na jaka, thil hing teng deih tuh na hihtaisak hi.

¹⁷Toupa tuh a lampi tengteng a dika, a nasep peuhmah mi hehpihthei ahi.

¹⁸Toupa tuh amah minlou tengteng kiangah a nai hi, thudika amah lou peuhmahte kiangah.

¹⁹Amah laute deihlam tuh a hihtangtung dinga; a kahna uh leng a za dinga, amau tuh a hondam ding hi.

²⁰Amah itte tengteng tuh Toupan a hawia; Ahihhangin migilou tuh a hihmangthang ding hi.Toupa phatna tuh ka kamin a gen dinga; huan sa peuhmahin a min siangthou tuh khantawn khantawnin phat uhen!

²¹Toupa phatna tuh ka kamin a gen dinga; huan sa peuhmahin a min siangthou tuh khantawn khantawnin phat uhen!