Read Paite Psalms 147 Bible Online

Psalms 147 - Paite bible

Psalms 147

¹Toupa phat un! I Pathian phata lasak a hoih ngal; amah jaw mi deihsak a siama, phat a kilawm him ahi.

²Toupan Jerusalem a dingsak nawna; Israel delh khiakte a pi khawm nawn hi.

³Khasiate a hihdama, a liamnate utuh a tuam jel hi.

⁴Aksi tamdan a sima; a min uh a sa chiat jel hi.

⁵I Toupa a thu[i-a. thilhihtheihna lamah leng hattak ahi; a pilnain tawpin a neikei ding hi.

⁶Toupan thunuailutte a len gige a; mi gilou-saloute leiah a hihniam jel hi.

⁷Kipahthugena Toupa pahtawiin lasa unla; kaihging toh I Pathian phatin lasa un

⁸Aman van meipi a khuhsaka, lei adingin vuah a sutuaha, tangte ah loupa a pousak hi.

⁹Aman sa kiangah a nekding uh a pe jela, va-aknou hamhamte kiangah toh.

¹⁰Aman tuh sakol hatna tungah a kipak keia; mihing khe tungte ah leng kipahna himhim a neikei naknak hi.

¹¹Toupan amah laute tungah kipahna a nei jela, a chitna lamente tungah.

¹²Jerusalem aw, Toupa phat un; Zion aw, na Pathian phat in.

¹³Aman na kulh kongkhakte kalhna sing tawnte a khauhsaka; na sunga na tate om lah vual a jawl ngala.

¹⁴Na gamgi singah lemna a siama; buh hoihpen chiin a honhihdim jel ahi.

¹⁵A thupiak tuh leiah a sawl khiaa: a thu tuh hattakin a tai hi.

¹⁶Vukju tuh belam mul bangin a pia a; vuk kia vut bangin a theh jak hi.

¹⁷A tui khal tuh tanghou them nen bangin a paikhia: amah votna maah kua ahia ding thei ding?

¹⁸A thu a sawl khiaa, huaite tuh a huih a nungsaka, huchiin tuite a hongluang jel hi.

¹⁹A thu tuh Jakobte kiangah a langsaka, a thusehte leh a vaihawmte leng Israelte kiangah a langsak jel hi.Aman kua nam tungah mah huchi bangin a hih ngeikeia; a vaihawmte lah a thei sam kei uhi. Toupa tuh phat un!

²⁰Aman kua nam tungah mah huchi bangin a hih ngeikeia; a vaihawmte lah a thei sam kei uhi. Toupa tuh phat un!