Read Paite Psalms 18 Bible Online

Psalms 18 - Paite bible

Psalms 18

²TOUPA tuh ka suangpi leh ka kulhpi leh, honhumbitpa ahi; ka Pathian ka suangpi kip tak ahi a, amah ah ginna ka koih ding; ka phaw leh ka hotdamna ki leh, ka insang ahi;

³Phat tuak TOUPA ka sam dinga, huan hondoute lakah hotdamin ka om ding hi.

⁴Sihna khauhualten a hongaka, Pathian limsaklouhna tuikhangten honlau sak a;

⁵Sheol khauhualten a hongak suaka: sihna thangte ka kimvelin a om hi.

⁶Ka lungkhama TOUPA tuh ka sama, ka Pathian ka sam hi. Aman a biakin akipanin ka aw a ja a, a maa ka kikou husa tuh a bil ah a lutta hi.

⁷Huaitakin lei a linga, a kisat ta a, a heh jiakin tangte leng a kingakna nangawn toh a kisatin a lingta hi;

⁸A nak akipanin meikhu ajamtou lunglunga, a kama pawt meiin a kang juajua a, huaiin meihol leng a hihkuang phomphom hi.

⁹Aman tuh vante leng a kunsaka, a hoh sukta a; a khe nuaiah te khawng mial bikbek a hongom hi.

¹⁰Cherub tungah a tuanga, a lengta a, ahi, huih khuate-ah a leng vengveng hi.

¹¹Mial tuh a bukna munah, amah umna buktain, a bawla; tuia mialna, vana meipite mah;

¹²A maa vakna jiakin a meipite athenga, gialte leh meiamte a ke toktok uhi.

¹³TOUPA tuh van tung khawngah a ging dodopa, Tungnungpenin a aw a suaksaka; gialte leh meiamte a ke toktok uhi.

¹⁴Huan, a thalte tuh a kap khia a, amau tuh a hihjakta hi; ahi, khua khawng a phe zolzol nilouha, ahihbuai vengvung hi.

¹⁵Huaitakin, TOUPA aw, na tai dinga, na naka hu pawtin a mut ek jiakin, tui luannate a hongkilanga, leilung kingaknate hihlatin a omta hi.

¹⁶Aman tuh tunglam akipanin a honsawka, honlena; tui tampi akipan honkai khia hi;

¹⁷Kei galhat tak lakah honhumbita, honhote lakah leng; kei dingin a hat lojen ngal ua;

¹⁸Amau tuh ka vangtah niin honsual ua, himahlen TOUPA ka ginpi pen ahi;

¹⁹Aman tuh mun awngthawl takah honpi khiaa; ka tunga a kipah jiakin honhumbit ta ahi.

²⁰TOUPAN ka diktatdan bang ngeiin ka tungah a hiha; ka khutte a siangthoudan bang ngeiin a hondin ahi;

²¹TOUPA lampite ka tawna, ka Pathian kiang akipan gilou takin ka pai mang ngei ngal keia;

²²A vaihawmna tengteng ka maah a om naka, a thu sehte tuh ka pai ngei ngal kei a;

²³Amah lakah gensiatbei leng ka hi a, ka siatna akipan ka kihuikhe jel hi.

²⁴Huaijiakin TOUPAN ka diktatdan bang jelin honna dinta a, ka khutte a mitmuha a sianthou bang jelin.

²⁵Mihehpihthei takte lakah hehpihtheitakin na kihihlang dinga; mihoihkimte lakah hoihkimin na kihihlang dinga;

²⁶Misiangthoute lakah siangthouin na kihihlang dinga; huan, genhakte lakah genhakin na kihihlang ding hi;

²⁷Gimthuak mite hondam ding na hih ngala; mikisatheite bel na hihniam ding hi;

²⁸Nang ka khawnvak na hondet sak ding ahi ngala: TOUPA ka Pathianin ka mialna a hihvak ding hi.

²⁹Nang hon panpihin gal ka delh ngala; ka Pathian panpih mahin kulh dai ka tawmkan ahi.

³⁰Pathian jaw, a lampi a hoihkima, TOUPA thu tuh etdik a hita hi; amaha ginna koih tengteng adingin amah tuh phaw ahi.

³¹TOUPA lou Pathian kua a oma ahia? I Pathian lou suangpi kua a oma ahia?

³²Hatna hontengsakpa leh ka lampi hihhoihkimpa Pathian mah;

³³Aman ka khe zukpi khe bangin a bawla, ka mun sangpi ahte khawng a honom sak hi;

³⁴Ka khutte uh gal kap dingin a chila, huchiin ka banten leng dal thalpeu a lai zou hial hi.

³⁵Nang na hotdamna phaw leng non piaa: na khut taklamin honkaia, na kingaihniamnain na honbawllianta hi.

³⁶Ka nuaia ka kalsuanna na hihliana, huchiin ka khete a teu kei hi;

³⁷Hondoute ka delh dinga, ka delh pha mai ding: hihmanthata a om masiah uh ka kihei kikta kei ding hi.

³⁸A thoh nawn theihlouhna ding un ka sat tan dia: ka khe nuaiah a puk ding uhi;

³⁹Nang kidouna adingin hatna ka taiah non tengsak ngala: honsualte tuh ka nuaiah na zouta hi.

⁴⁰Honhote ka hihmangthat theihna dingin, nang hondoute tuh honnung lehngatsan dingin na omsakta hi.

⁴¹Amau tuh a kikou ua, himahleh hondampa ding kuamah a om kei uh: TOUPA mah tuh a sam ua, himahleh a dawng tuan kei hi.

⁴²Huaitakin leivui huih mutleng bang mai in ka sat nena: kholak buannawi bangphetin ka pai kheta hi.

⁴³Nang mite kilaina lakah non humbita; nam chih lutang dingin na honsiama, ka theih ngeilouh miten ka nek ka tak a bawlta ding uhi.

⁴⁴Ka tanchin a jak tak un ka thu a mang ding ua; mikhualte ka kiangah a kipe ding uhi.

⁴⁵Mikhualte a vul ding ua, a in sang ua kipanin ling kawmin a hongsuk ding uhi.

⁴⁶TOUPA tuh a hing hi; ka suangpi tuh phatin om henla; honhondampa Pathian tuh pahtawiin om hen:

⁴⁷Phu honlaksakpa leh, mi chih ka nuaia zoupa Pathian mahmah.

⁴⁸Amah hondoute lakah honhonkhia a: ahi, nang kei honsualte tunglamah non domkanga: mi hiamgamte lak akipan na honhumbit jel hi.

⁴⁹Huaijiakin, TOUPA aw, nam chih lakah kipahthu ka honhilh dinga, nang phatin la ka sa ding hi.Aman tuh hotdamna thupitak a kumpipa bawl kiangah a pejela; a thaunilhpa tungah, David leh a suante tung ngeiah, khantawnin a chitna a langsak ding hi.

⁵⁰Aman tuh hotdamna thupitak a kumpipa bawl kiangah a pejela; a thaunilhpa tungah, David leh a suante tung ngeiah, khantawnin a chitna a langsak ding hi.