Read Paite Psalms 2 Bible Online

Psalms 2 - Paite bible

Psalms 2

¹Bangachia nam chih heh uh ahia, bangchia mi chihin thil phatuam lou ngaihtuah uh ahia?

²Lei tunga kumpipate a kisa duamduam ua, heututen leng TOUPA leh a thaunilh tuh a sawm chiat ua,

³A gaknate uh hihtat in, a khauhualte uh ei akipan I pai mang ding uh, chiin.

⁴Van a tupa a nui dia: TOUPAN amaute a nuihsan ding;

⁵Huai khit chiangin hehin a kianguah tuh a gen dinga, thangpai takin amau tuh a hih mangbangta ding hi:

⁶Keimah mahin ka tang siangthou Zion ah ka kumpipa ka tusakta ahi, a chi a.

⁷Thusehsa ka gen ding hi: TOUPAN ka kiangah, Nang jaw ka tapa na hi; a; tuniin ka honnei khia ahi;

⁸Hon ngenin, huchiin na gouluah dingin nam chih ka honpe dia, kawlmong tawp tanin na gou dingin leng ka honpe ding;

⁹Amaute tuh sik chiangin na hihkham dia; belvelten bel a paih khap bang un na pai kham dinga. A chi-a.

¹⁰Huchiin kumpipate aw, pilta unla: leitunga vaihawmte aw, thuzohin omta un;

¹¹Laudan siamin TOUPA na sem unla, ling khawmin kipan un;TOUPA tuh tawp unla, huchi keileh a heh dia, lam lakah na mangthang kha ding uh, a thangpai zok ding hi. Amah a a ginna uh koihte tengteng a hampha uhi.

¹²TOUPA tuh tawp unla, huchi keileh a heh dia, lam lakah na mangthang kha ding uh, a thangpai zok ding hi. Amah a a ginna uh koihte tengteng a hampha uhi.