Read Paite Psalms 21 Bible Online

Psalms 21 - Paite bible

Psalms 21

¹TOUPA aw, kumpipa tuh na hatna ah a nuam dinga, na hotdamna ah nuamsa na zoujen inchia!

²A lungtang deihlam lah na pia a, a muka a thil nget lah na phal lou kei hi. Selah.

³Hoihnaa vualzohnatein na dawn ngala: dangkaeng siangthou lallukhu na khusak hi.

⁴Aman tuh hinna hon ngena, na piaa khantawn khawtawna damna.

⁵Na hotdamna ah a thupina a lian mahmah ahi: pahtawina leh thupina tungah na nga jel hi.

⁶Khantawna dingin vualjawlna liantak muin na bawl ngala: Na ma a nopsaknain na kipak sak hi.

⁷Kumpipan TOUPA tuh a muang ngala, tungnungpen chitna jiakin a ling kei ding hi.

⁸Na khutin nang hondoute tengteng tuh a zongkhe vek dinga: na khut taklamin nang hondoute a zongkhe ding hi.

⁹Na heh hun chiangin amau tuh haltuina mei kuang lutlut bangin na bawl ding. TOUPAN amau tuh hehin a valh khin dinga, meiin a kang mang mai ding hi.

¹⁰A gahte uh lei akipan na hihmang dinga, a suante uh tuh mihing tate lak akipanin na hihmang behlap ding hi.

¹¹Na tungah thil gilou hih a tum ngal ua; thil gilou a ngaihtuah khia ua, a hihtangtung thei ngal kei uhi.

¹²Nang amau tuh na kihei sak dek ngala, na thalpeu khaute tuh a maitang uah laisain na bawl ding hi.TOUPA aw, na hatnaah pahtawiin hongomin: huchiin na thilhihtheihna phatin la ka sa ding uhi.

¹³TOUPA aw, na hatnaah pahtawiin hongomin: huchiin na thilhihtheihna phatin la ka sa ding uhi.