Read Paite Psalms 29 Bible Online

Psalms 29 - Paite bible

Psalms 29

¹Mi thilhihtheitak tate aw, TOUPA kiangah pia unla, TOUPA kiangah thupina leh hatna pia un.

²TOUPA kiangah a min thupina pia unla; siangthou kilawmna silhin TOUPA chibai buk un.

³TOUPA aw tuh tui tungahte a ginga: thupina Pathian tuh a hongging doldola, TOUPA mah tuh tui tampi tungah a hongging hi.

⁴TOUPA aw tuh thilhihtheitak ahi a; TOUPA aw tuh thupi tak ahi.

⁵TOUPA awin sidar singte a hihtan dinga; ahi, TOUPAN Lebanon tanga sidar singte a hihtan lemlum jel hi.

⁶Bawngnou bangin amaute a diang saka: Lebanon leh Sirion tangte tuh gam bawngtalnou bang main.

⁷TOUPA awin meikuangte a phelh jel.

⁸TOUPA awin gamdai sing a linga: TOUPA Kades gamdai a lingsak jel hi.

⁹TOUPA awin zukpite bang nou a se saka, gammang singnahte khawng a nuai keu vek hi; a biakin ah thil bangkim, A thupi e, a chi chiat jel uhi.

¹⁰TOUPA tuh Tuichim laiin kumpipain a tu-a, ahi, TOUPA tuh khantawn adingin kumpipa dingin a tu ahi.TOUPAN a mite kiangah hatna a pe dinga, TOUPAN a mite khamuannain vual a jawl ding hi.

¹¹TOUPAN a mite kiangah hatna a pe dinga, TOUPAN a mite khamuannain vual a jawl ding hi.