Read Paite Psalms 30 Bible Online

Psalms 30 - Paite bible

Psalms 30

¹TOUPA aw, kon pahtawi dinga; nang non kaikhiaa hondoute non awikhum sak louh jiakin.

²TOUPA ka Pathian aw, kon sama, nang na honhihdamta hi.

³TOUPA aw, nang ka hinna Sheol akipan na pi khia a; kokhuka ka paisuk louhnadingin nang na honhum hing jel hi.

⁴A mi siangthoute aw, TOUPA phatin lasa unla, a min siangthou phat un.

⁵A hehna tuh mitphiatkal phet ahi ngala; a deihsakna ah hinna a om hi; kahna giak dingin nitaklam chiah a honglut theia, jingsangin bel nuamna a hongtung nak hi.

⁶Ken jaw nuam ka sak laiin, Chikmah chiangin ka ling kei ding, ka chi a.

⁷TOUPA nang na deihsakna jiakin ka mual tuh na ding kipsak ta a; himahleh na mai na sela, ka hong mangbangta hi.

⁸TOUPA aw, nang kon sama; TOUPA kiang mahah hehpihna ka ngen hi:

⁹Kokhuka ka paisuk leh, ka sisan ah punna bang ahia om ding! Leivuiin honphat ding hia? na thutak a gen sin maw?

¹⁰TOUPA aw, ngaikhia inla, hon hehpihin: TOUPA, nang honpanpihpa hiin.

¹¹Ka sunna kei dingin lamna na suak saka; ka saiip puan non suahsaka, kipahna nontengsak hi.Ka thupina dai nilouh lou-a, nangmah phata la a sakna dingin TOUPA ka Pathian aw, khantawnin kipahthu ka honhilh gige ding hi.

¹²Ka thupina dai nilouh lou-a, nangmah phata la a sakna dingin TOUPA ka Pathian aw, khantawnin kipahthu ka honhilh gige ding hi.