Read Paite Psalms 31 Bible Online

Psalms 31 - Paite bible

Psalms 31

¹Toupa aw, nangmah ah ka ginna ka koih jela; chickmah chiangin leng zahlakin hon omsak kenla: na diktatna jiakin honhumbit in.

²Kei lamah na bil hondoh inla; honhumbit menin: kei dingin suangpi kiptak, hon hondamna dingin bitna in’ hong hi in.

³Nang tuh ka suangpi leh ka kulhpi nahi ngala; huaijiakin na min jiakin hon piin hon kaiin.

⁴Ka awkna dinga aguka len a phah lak uah honkai khiain; nang ka insang na hi ngala.

⁵Na khut ah ka kha kon kemsak hi: Toupa aw, thutak Pathian, nang non tanta hi.

⁶Thil bangpeuh ginalou peuh ngaihtuahte tuh ka hua a; ken bel Toupa ka kamuang ahi.

⁷Na chitna jiakin ka nuamin ka kipak dinga; ka mangbatna na mu gige ngala; ka hinna a mangbat laiin leng na theigige hi.

⁸Huan, hondoumi khut ah nang non khumta keia; ka khe mun awng thawl takah na nga zota hi.

⁹Toupa aw, honhehpihin, mangbangin ka om ngala; ka mit lungkham na jiakin a se huaihuai ahi, ka hinna leh ka pumpi nangawn.

¹⁰Ka damsung lungkhamna in a mangbangta ngeia, ka kumte thum na in a beita hi: ka thulimlouhna jiakin ka tha a jaw a, ka guhte leng a segawp hi.

¹¹Hondoute jiakin ka min a hong seta a, ahi ka vengte lakah nakpi in a seta hi, ka meltheihte a dingin leng kihtakhuaipi ka hita hi: kho laka hon muten lah hon taisan ta ngal ua.

¹²Misi a mangngilh bangtak un mangngilh in ka om a: bel kitam bang lel ka hita hi.

¹³Mi tampi hon hekna ka za ngala, ka kima kihtakhuai om tuh hon sawm khawm lai un, ka hinna hon laksak a tum uhi.

¹⁴Himahleh, Toupa aw, ka hon muanga: ka Pathian nahi ka chi a.

¹⁵Ka hunte na khut ah a oma, hondoute khut a kipan leh hon sim mohte lakah honhumbit in.

¹⁶Na melin na sikha hon sunvak in; na chitna jiakin hon hondam in.

¹⁷Toupa aw, zahlakin hon omsak ken; kon sam ngala: mi gilousalou zahlak in om uhen la, Sheol ah dai dinden in om uhen.

¹⁸Muk juautheite pau theilou in om uhen; huaiten tuh kisathei leh musit kawmin pau taltakin mi diktat te a gense jel uhi.

¹⁹Na hoihna, nangmah laudamsiamte a dingin na kholkhawm tuh thupi natel e aw! Mihing tate mitmuha muanna koihte a dinga na hih sak pen tak.

²⁰Amau tuh mihing omna lakah na humbitna mitmuh in na selgu dinga: lei selhatna lakah bukta ah na koih gu ding hi.

²¹Toupa phatin om hen: a chitdan lamdang tak tuh khopi kiptak ah a hon musak ngala.

²²Kei lah, ka hamhaih in, Na itmuh a kipan paih mangin ka omta, ka na chi maimah a; himahleh ka hon sapa hehpihna kon ngetna awte nana za ngala.

²³A mi siangthou tengtengte aw, Toupa it un: Toupan mi ginom a humbit a, kisatheitaka gamta tuh nakpi tkain a thuk jel hi.Toupa lamen tengtengte aw, hattakin om unla, na lungtang uh hangsak un.

²⁴Toupa lamen tengtengte aw, hattakin om unla, na lungtang uh hangsak un.