Read Paite Psalms 41 Bible Online

Psalms 41 - Paite bible

Psalms 41

¹Gentheite ngaihtuah mi a hampha hi, mangbat niin Toupan amah a humbit ding hi.

²Toupan amah humbitin a hihhing dinga, leiah vualjawl in a om ding; amah douten ututa a bawl dingin pe ken.

³Toupan a gimna lupna munah a hihhat dinga; nang a chi a nat lai in a lupna na bawlsak vek jel hi.

⁴Toupa aw, honhehpih inla, ka hinna hihdam in, na tungah thil ka hihkhial ngal a, ka chi a.

⁵Hondouten, chikchiang in a siin, a min a mang de aw! Chiin, hon gensia uh.

⁶Huan a lak ua kuahiamin a hongveh laiin, thu bangmahlou maimai a gen jela; a lungtang in thulimlouhna a lakhawm naka; a pawt khiak takin mi a hilh jel hi.

⁷Honhote tengteng in hon gensiain a kihuau ua: honhihsiatna ding uh a ngaihtuah ua.

⁸Natna hoihlou takin a man kipta, tu-a lum a thou nawn ta kei ding a chi ua.

⁹A hi, ka lawm kithuahpih theih, ka muantak, ka tanghou nekpih ngeiin a khetul ka tungah a likta hi.

¹⁰Hiamhleh, Toupa aw, nang honhehpih inla, amau ka thuk theihna dingin honkai thou nawnin.

¹¹Hiaiah ka tungah na kipak chih ka thei hi, hondou in a honzoh louh jiakin.

¹²Kei jaw lungsim hoihtak ka putna ah nangman non lenchinten a, Na maah khantawn adingin non koih hi.Toupa, Israel Pathian, Khantawn akipan khantawn pha in phat in om hen, Amen, Amen.

¹³Toupa, Israel Pathian, Khantawn akipan khantawn pha in phat in om hen, Amen, Amen.