Read Paite Psalms 46 Bible Online

Psalms 46 - Paite bible

Psalms 46

¹Pathian i kihumbitna leh i hatna, mangbat laia huh pahpahpa nai gige ahi.

²Huaijiakin leitung hongkidangin, mualte tuipi sung pekah kisuan mahleh i lau kei ding uh.

³A tuite tuh ging honhon in phul butbut mahleh, a kihawt thupi jiakin mualte ling duamduam mahleh, i lautuan sam kei ding. Selah.

⁴Lui khat a om a, huai lui katen Pathian khopi a kipak sak jel, tungnungpen omna mun siangthou tak.

⁵Pathian a laitakah a om a, a ling kei ding: Pathianin phalvak chiangin a panpih ding hi.

⁶Nam chih a ging huthut a, gamte a linga: aman a aw a suaha leitung a hongtui khinta hi.

⁷Sepaihte Toupa i kiang uah a oma: Jakob Pathian tuh i insang ahi. Selah

⁸Kisa un, Toupa thilhihte en un, leitung a thil a hihsiatdan.

⁹Aman kidounate kawlmong phain a hihtawp a; thalpeu a hihtana, tei tuh a sat tan hi; kangtalaite mei ah a hal tum hi.

¹⁰Dai unla, Pathian kahi chih thei un: nam chih lakah pahtawi in ka om dinga, leiah pahtawiin ka om ding hi.Sepaihte Toupa i kiang uah a oma; Jakob Pathian tuh i insang ahi. Selah.

¹¹Sepaihte Toupa i kiang uah a oma; Jakob Pathian tuh i insang ahi. Selah.