Read Paite Psalms 51 Bible Online

Psalms 51 - Paite bible

Psalms 51

¹Pathian aw, na chitna dungjuiin hon hehpih inla; na lainatna thupi mahmah dungjuiin.

²Ka thulimlouhnate hon silsiang sak vilvel inla, ka khelhna honsilsiangsak in.

³Ka tatleknate ka theigige ngala: ka khelhna tuh ka maah a om nilouhlouh hi.

⁴Na tungah, na tung kia ah thil ka hihkhial a, na mitmuh in thil gilou ka nahihta hi: thu na gena siamtanga na om theiha, vai na hawma, gensiatbeia na om theihna dingin.

⁵Ngaiin, thulimlouhna a suktuah in ka oma; ka nun khelhnain honnapai hi.

⁶Ngaiin, sunggil lamah takna na deih naknaka: huchiin a kimulou lamah pilna non theisak ding hi.

⁷Husopin honsiangsak inla, huan ka siang ding: honsil siang lechin, huchiin vuk sangin ka ngou zo ding hi.

⁸Nopna leh kipahna tuh bilin hon zasakin; na guh suktante a kipah theihna dingin.

⁹Ka khelhnate lakah na mai sel inla, ka thulimlouhna tengteng nul mangin.

¹⁰Pathian aw, keimah ah lungtang siangthou tak siam inla; ka sungah kha diktak siam thak nawnin.

¹¹Na kiang akipanin honpaimang kenla; na kha siangthou honlaksak ken.

¹²Na hotdamna kipahna hon pe nawn inla; na Kha khutin honlen gigein.

¹³Huchiin talekte na lampi tungtang ka hilh dinga; huan, mi khialte nang lam a nga nawn ding uhi.

¹⁴Pathian, nang honhondampa Pathian aw, sisan suahnate lakah hontankhiain; huchiin ka leiin na diktatna thu kipak takin lain a sa ding hi.

¹⁵Toupa aw, nang ka muk hong in; huan ka kamin na phatna a theisak ding hi.

¹⁶Kithoihna tungah kipahna na nei ngal keia; huchi hilou hileh ka pe dinga: halmanga thillat tungah lungdamna himhim na neikei hi.

¹⁷Pathian deihlam kithoihnate jaw kha khasia ahi. Pathian aw, lungtang khasia leh kisik tuntun jaw na musit kei ding hi.

¹⁸Na deihlamtakin Zion tungah thilhoih hih inla; Jerusalem kulh lem in.Huchiin diktatna kithoihnate tungah kipahna na neita dinga, halmanga thillat leh halmanga pumpiak tungah: huan na maitam tungah bawngtalte a lanta ding uh.

¹⁹Huchiin diktatna kithoihnate tungah kipahna na neita dinga, halmanga thillat leh halmanga pumpiak tungah: huan na maitam tungah bawngtalte a lanta ding uh.