Read Paite Psalms 55 Bible Online

Psalms 55 - Paite bible

Psalms 55

¹Pathian aw, ka thumna ah bil nadoh inla; hehpih ka ngetna ah kisel ken.

²Honja inla, hondawng in: ka mangbut thu jiakin ka mau vialviala, ka thum nilouhlouh hi.

³Melma husa in honhihmangbang; mi gilou-salou nuaisiahnain a honvuk ua, hehin honsawi ngal ua.

⁴Ka sungah ka lungtang a na mahmah a: sih mulkimnaten hondelh khum hi.

⁵Lauthawnna leh linnain honbawma, launain a honkhuh khinta hi.

⁶Huan, ken, vakhu banga kha neih ut hina tel ing e, aw! Huchiin ka leng mang dinga, khamuang takin ka om ding.

⁷Ngaiin, gamla pi-ah ka vialvak dia, gamdai ah ka om ding hi. Selah.

⁸Huih thupi leh huih bukna munah ka pai meng ding, ka chi a.

⁹Toupa aw, a lei uh hihsiain hihkek in; khopi ah ngongtatna leh ki-uina ka mu ngala.

¹⁰Sun leh janin khopi kulh dawnah a vialvak ua: a sungah thulimlouhna leh haksatna a om hi.

¹¹Gitlouh-satlouhna a sungah a oma: nuaisiahna leh zekhemnain kholak a pawtsan ngeikei.

¹²Hon gensia lah melma ahi ngal keia; hileh jaw, ka thuak thei zo ding: ka tunga kihihlian tuh honhua lah ahi sam keia; hileh jaw, ka buksan ding hi.

¹³Himahleh, nang, ka mibatpih, ka lawm, kithuahpih theih na hi ngala.

¹⁴Kam khum takin i kihou khawm jela, mipi laka Pathian biakin ah i pawt jela.

¹⁵Sihna a tunguah hontung guih henla, kohawm ah a hingin paisuk uhen: gitlouh- satlouhnate a omna uah leh a gilsung uah tekhawng a om ngala.

¹⁶Ken jaw Pathian ka sam dinga; huchiin Toupan honhondam ding hi.

¹⁷Nitaklam bang jingsang bang, sun bangin ka bangbat thu ka genin ka thum dinga, huchiin aman ka aw a ngaikhe ding hi.

¹⁸Ka tunga kidouna lakah ka hinna khamuang takin a humbit taa: honsualte lah a tam ngal ua.

¹⁹Pathian, nidang laia om gigein, a ngaikhe dia, amau a dawng ding. Selah

²⁰Amah toh kituakte tungah a khut a lika: a thukhun tuh a hihbuahta hi.

²¹A kam tuh nawitui khal bangin a nema, a lungtang bel kidouna ahi ngala; a thute tuh sathau sangin a nala, himahleh namsau phawisate ah ngala.

²²Na puakgik Toupa tungah nga lechin, huchiin aman nang a honhihhat ding hi. Mi diktat tuh chikmahin leng a hihlin a phal kei ding hi.Himahleh, P athian aw, nang amaute manthatna kohawmah na pai suk sak dind; sisan suahhat leh khemhat mite tuh a damsung kimkhat uleng a dam zou kei ding uhi; ken bel nang kon muang hi.

²³Himahleh, P athian aw, nang amaute manthatna kohawmah na pai suk sak dind; sisan suahhat leh khemhat mite tuh a damsung kimkhat uleng a dam zou kei ding uhi; ken bel nang kon muang hi.