Read Paite Psalms 60 Bible Online

Psalms 60 - Paite bible

Psalms 60

¹Pathian aw, nang non khah khia a, non hihsia a; nong hehtaa; hontungding nawn in aw.

²Hiai gam na hih linga, na khangsak ta hi: a khangkhamte tuh siam hoih nawn inla; a ling a ling ngala.

³Na mite thil haksa pipi na tuak saka: hoihna uain non dawn sakta a.

⁴Nang laudansiamte kiangah puanjak na peta a, thutak jiaka jak a hihtheihna dingin. Selah.

⁵Na deihtakte humbita a om theihna ding un, na khut taklam in hondam inla, hondawng in.

⁶Pathianin a siangthouna ah hichi bangin a gen, Ka nuam dinga: Sekem khua ka hawm dinga, Sukkoth guam leng ka hawmjak ding hi.

⁷Gilead gam keia ahia, Manassi gam keia ahia; Ephraim gam leng ka lu humbitna ahia; Judia gam ka lalchiang ahi.

⁸Moab gam ka kisilna bel ahia; Edom gamah ka khedap ka pai ding: Philistia gam, nang jaw keimah jiakin kikou tanla, chiin.

⁹Khopi kiptak ah kuan a honpilut dia! Edom gamah kuan ahia honpi ding!

¹⁰Pathian aw, nangmah mahin non deihlouh ka hi kei ua hia? Pathian aw, ka sepaihte kiang uah lah na pawt ngal ta keia.

¹¹Melma te sual dingin honpanpih in, mihing panpihna bangmah lou maimai ahi ngala.Pathian jiakin hang takin ka hih ding: amah tuh i melmate sikden dingpa ahi ngala.

¹²Pathian jiakin hang takin ka hih ding: amah tuh i melmate sikden dingpa ahi ngala.