Read Paite Psalms 63 Bible Online

Psalms 63 - Paite bible

Psalms 63

¹Pathian aw, nang ka Pathian na hi a; jingsangpiin kon zong hi: ka hinna nangmah duhin a dangtaka, ka sain a honngai ahi, gam keu leh gim tui omlouhna ah.

²Huchimah bangin mun siangthou ah ka hon en gige hi, na thilhihtheihna leh na thupina mu dingin.

³Na chitna ka hinna sanga a hoihjawk jiakin ka muk in a honphat ding hi.

⁴Huchi mahbang in ka damsung tengin ka honphat ding: na minin ka khutte ka jak ding hi.

⁵Ka hinna tuh guhngek leh thaua tai bangin a tai dinga; ka min kipah muk puin a honphat ding hi.

⁶Ka lupna tunga kon theihgige laiin, jana na tungtang thu ka lunggel laiin.

⁷Nang tuh honpanpihpa nahi ngala, na kha nuaiah nuamin la kasa ding hi.

⁸Ka hinna in honjui tetteta: na khut taklamin non kai jel hi.

⁹Ka hinna hihmang tuma zongte leimun nuainung ahte khawng a lut ding ua.

¹⁰Namsau thilhihtheihna kiangah piak ahi ding uhi: sehalte tan a hita ding uhi.Kumpipa bel Pathian ah a nuam dinga: amah lou a kichiam peuhmah in a suang ding ua, juauthu gen hat kamte tuh huma om ding ahih jiak in.

¹¹Kumpipa bel Pathian ah a nuam dinga: amah lou a kichiam peuhmah in a suang ding ua, juauthu gen hat kamte tuh huma om ding ahih jiak in.