Read Paite Psalms 64 Bible Online

Psalms 64 - Paite bible

Psalms 64

¹Pathian aw, ka mangbat thu-ah ka aw na naja inla: melmate lauhhuaina lakah ka hinna humbitin.

²Thil hoihlou hhte kihou gukna lakah honsel in; thilhihkhialte buai vengvung lakah.

³Amau tuh namsau bangin a lei uh a tathiam ua, huan, a thalte uh thu khate ngei thu a ngim ua.

⁴Mi gensiatbeite mun daia a kap theihna ding un: lau louin khatvei thuin a kap guih ngal uhi.

⁵Thil gilou hih dingin a kihasuan ua; thang a guka kam thu bangah a kihou jel ua: kuan huaite a mu dia? A chi ua.

⁶Thulimlouhna a zong khia ua; Hahkat takin i zongta, a chi ua: a sunglam ngaihtuahna leh lungtang tuh thuk takah ahi ngala.

⁷Himahleh Pathianin amau a kap ding a: Thakhatin thala liamin a om ding uhi.

⁸Huchibangin, amau lei ngeiin a mau a dou jiakin, kisuiin a om ding uhi: amau muten a lu uh a sing uhi.

⁹Huchiin, mi tengtengin a lau ding ua: Pathian nasep tuh a gen ding uhi, a thilhih tuh pil takin a ngaihtuah ding uhi.Mi diktatte tuh Toupa ah a kipak ding uh; lungtang diktat pu tengteng ten a suang ding uhi.

¹⁰Mi diktatte tuh Toupa ah a kipak ding uh; lungtang diktat pu tengteng ten a suang ding uhi.