Read Paite Psalms 65 Bible Online

Psalms 65 - Paite bible

Psalms 65

¹Pathian aw, Zion ah phatna in hongngak nilouh hi: thuchiam na lakah tangtung sak in.

²Thumna zapa aw, na kiangah sa tengteng a hongpai ding hi.

³Thulimlouhnaten honzou naknaka: ka tatleknate uh tuh nang na silsiang ding hi.

⁴Mi, na biakin huangsung intuala om thei dinga na tela, na kiang na naihsakin nuam a sa hi: na in hoihnain ka tai ding ua, na biakin mun siangthou hoihna in.

⁵Pathian honhondampa aw, thil mulkimhuaiten diktattakin na hondawng ding hi; nang kawlmonga mi tengteng leh tuipi tunga gamlapi-a omte lametna na hia.

⁶Thihihtheihna a taia kingaka, nangmah hatnaa mualte hihkippa na hi hi.

⁷Tuipi ging honhon, a kihot ging honhonte leh mi chih chiak vengvung hihdaipa na hi.

⁸Kawlmong tawpa omten leng na theihsaknate a lau ua: jingsang leh nitak paikhiaknate nuamin na kikou sak hi.

⁹Lei na veha, tuiin na khaia, nakpi petmahin na hih hoih hi; Pathian lui tuh tuiin a dima: lei huchi banga na bawl nungin amau dingin buh na bawlsak jel hi.

¹⁰Leilehte tuh tui tampiin na vaka; a saichian tuh na khengsak hi: vuahtuiin na nemsaka. A thilpoute na vualjawl jel.

¹¹Kum tuh na hoihna na khusaka; na paina lam tuh thil hoihin a tak hi.

¹²Gamdaia gan tatna munahte khawng a taka. Tangte leng nuamna gak suakin a om hi.Gan tetna munte gan honin a luahsuaka; guamte leng buhin a khuhsuak hi; nuamin a kikou ua, la a sa uhi.

¹³Gan tetna munte gan honin a luahsuaka; guamte leng buhin a khuhsuak hi; nuamin a kikou ua, la a sa uhi.