Read Paite Psalms 72 Bible Online

Psalms 72 - Paite bible

Psalms 72

¹Pathian aw, na vaihawmnate kumpipa kiangah pia inla, na diktatna kumpipa tapa kiangah pia in.

²Na mite tuh diktatnain vai a hawmsak dinga, na mi gentheite tuh vaihawmna dikin vai a hawmsak ding hi.

³Tanglian leh tangneu ten diktatnain mite kiangah khamuanna a hontun ding uhi.

⁴Aman mi laka gentheite tuh vai a hawmsak dinga, tagah tate tuh a hondam dinga, nuaisiahpa bel a hihjan ding hi.

⁵Tunga ni a om sungin a kikou ding ua, kha om sungin leng, suan om sung tengteng inleng.

⁶Amah tuh loupa gawitan tunga vuah kia bangin a ke dinga; lei vak vuah tui bang maiin.

⁷A damlai un mi dikte tuh a pha luahluah ding uh, huan, khamuanna thupidan, kha om louh masiahin.

⁸Aman tuipi akipana tuipi dang phain leng thu a nei ding, luipi akipan kawlmong phain leng.

⁹Gamdaia omte tuh a maah a kun ding ua: a melmaten leng leivui a liak ding uhi.

¹⁰Tarsis gam leh tuikulh gam kumpipaten kipahman a hontawi ding ua; Sheba leh Seba gam kumpipaten thilpiakte a honlan ding uhi.

¹¹Ahi, kumpipa tengteng tuh a maah a khupboh ding ua: nam chitengin a na a sem ding uhi.

¹²Gentheiin a sap chiangin aman a humbit dinga, mi tagah, panpihpa neilou leng a humbit ding hi.

¹³Mi genthei leh tagahte a hehpih dinga, tagahte hinna a hondam ding hi.

¹⁴A hinna uh tuh nuaisiahna leh hiamgamna lak akipan a tan dinga, a sisan uh amah ngaihdan in manpha tak ahi ding ahi ngala.

¹⁵Huan, a hing ding ua; Sheba gam dangkaeng akipana piak ahi dinga: miten amah a thumsak gige ding uhi; nitumin vual a jawlsak ding uhi.

¹⁶Leiah, mualvum peuhah, buh tampi a om dinga; a vui tuh Lebanon bangin a ling suausuau dinga, khuaa mite bel loupa bangin a pha lihliah ding uhi.

¹⁷A min tuh khantawnin a om tawntung dinga; a min tuh ni a om sungin tatlak louin a om jel dinga; mite tuh amah ah vualjawl in a om ding ua; nam chih ten amah tuh hampha a chi ding uhi.

¹⁸Toupa Pathian, Israelte Pathian phatin om hen, amah kiain thillamdang a hih jela.

¹⁹A min thupi tak khantawnin phatin leng om henla; lei pumpi leng a thupinaa hihdimin om hen. Amen, Amen.Jesai tapa David thumnate a beita hi.

²⁰Jesai tapa David thumnate a beita hi.