Read Paite Psalms 73 Bible Online

Psalms 73 - Paite bible

Psalms 73

¹Pathian tuh Israelte tungah a nahoih ngei e, lungtang siangthoute tunga.

²Himahleh ken jaw ka siktal dekdeka; ka kalsuante a teu dekdek ahi.

³Mi gilou-saloute vangphatdan ka muhin mi mangte ka eng ngala.

⁴A sih lai un thuakna himhim a neikei ua: a hatna u tuh a kip zosop ngala.

⁵Mi dang banga gimthuakin a om kei uhi. Midang banga gawtin leng a om sam kei uhi.

⁶Huaijiakin kisaktheihnain khainiang bangin a ngawng uh a vela; hiam gamnain puansilh bangin a tuam hi.

⁷Thau jiakin a mit uh a pawng leulaw u a: lungtang thudeih sanga thupi a nei uhi.

⁸A nuihsan ua, giloutakin nuaisiahna thu a gen ua: kisaktheihnain a pau uhi.

⁹A kam uh van khawngah a koih ua, a lei un leitung a pha suak jel hi.

¹⁰Huaijiakin a mite tuh huaiah a kik nawn ua. Tui nou-a dim tuh amau dawn siang sipsipin om hi.

¹¹Pathianin bangchin a thei dia? Tungnungpenin theihna a nei dia hia? a chi ua.

¹²En dih, hiaite khawng mi gilou-saloute ahi uhi; nuamsa taka om gigein a hau deuhdeuh jel uhi.

¹³A thawn maiin ahi, ka lungtang ka hihsiana, ka khutte gensiatbeia ka sil.

¹⁴Nitumin gawtin ka oma, jingsang tengin sawiin ka om ngala.

¹⁵Huchi bangin ka gen ding, na chitaleng; ngaidih, taka hih ka na hi ding.

¹⁶Huai tuh ka theihtheihna dingdan ka ngaituahin, Keia dingin a na lua ahi.

¹⁷Pathian mun siangthou a ka luta, a beina ding uh ka ngaituah masiah.

¹⁸Amau tuh mun nal takahte na koih ngeia; siatna ahte khawng na pai khe jel hi.

¹⁹Bangchidan ahia mitphiat kal kiaa a ingam tak u aw! thil mulkimhuai taktea hihmanthat vekin a omta uhi.

²⁰Min khanloh nunga mang bangmah a sak louh bang un, Toupa aw, na halh hunin amau lim leng bangmah na sa kei ding hi.

²¹Ka lungsim lungkhama a oma ka lungtanga suta ka om laiin.

²²Mi mawl leh bangmah theilou ka hi a, na lakah gamsa bang phet ka hi hial hi.

²³Himahleh na kiangah ka om gige a: ka khut taklam na len gige hi.

²⁴Nang na lemtheihnain non pi dinga, huai nung chiangin thupina ah non kipahpih ding hi.

²⁵Van ah nang lou ngal kua ka neia? Lei ah leng nang lou ngal ka deih kuamah a om kei hi.

²⁶Ka sa leh ka lungtang a bahta a: himahleh Pathian tuh khantawna ka lungtang utna ding leh ka tantuan ding ahi.

²⁷Ngaiin, nangmah gamlata omte a mangthang dek ua: a hon angkawmsan peuhmahte tuh na hihmangta ahi.Kei adingin bel Pathian naih a hoiha: Toupa Pathian tuh ka kihumbitnain ka neia, na nasep tengteng thu ka hilh theihna dingin.

²⁸Kei adingin bel Pathian naih a hoiha: Toupa Pathian tuh ka kihumbitnain ka neia, na nasep tengteng thu ka hilh theihna dingin.