Read Paite Psalms 74 Bible Online

Psalms 74 - Paite bible

Psalms 74

¹Pathian aw, bangdinga honpai mang den ding na hia oi? Bangdinga na gantatna muna belamte tunga na hehna a khut?

²Na mite kikhawmte, nidang laia na lei, nam na gou dinga na tat, thei gige in; na omna nak Zion tang toh.

³Khantawn siatna lamah na khe khaiin, melmaten mun siangthou ah thil gilou chiteng a hihta uhi.

⁴Nangmah doute na mite kikhawmte lakah a awng juajua ua; achiamnate uh chiamtehna dingin a takta uhi.

⁵Mi singbawk heipi a ngimte bangin a kimu ua.

⁶Tunah a thil- khuak kilawm tengteng uh heita leh sekin a hihse chiat uhi.

⁷Na mun siangthou a hal ua; na min omna leia tum khop hialin a hihbuahta uhi.

⁸A lungsim un, A vekin i hihse ding, a chi ua: hiai gama Pathian kikhopna in tengteng a halse khinta uhi.

⁹I kichiamtehnate uh i muta kei ua: jawlnei himhim a omta kei uhi; a sawt dingdan thei himhim i lak uah leng a om kei hi.

¹⁰Pathian aw, melmain bangtan ahia hon gensiat ding? Galin na min khantawnin a gense dia hia?

¹¹Bangdingin ahia, na khut, na khut taklam na lak tak? Pholh khe nawn inla, amaute hihmang in.

¹²Himahleh, Pathian tuh nidanglai tana ka Kumpipa ahi, lei lai taka hotdamna siampa pen.

¹³Nang na hatnain tuipi na kikhensaka nang tuia drakonte na kitamsak hi.

¹⁴Nang tuh ole lute na jansaka, amah tuh gamdai mi omte kiangah an dingin na pia hi.

¹⁵Nang tuikhuk leh tuilian na khena; nang lui lian taktakte na kangsak hi.

¹⁶Sun nanga ahi a, jan leng nanga ahi. Nang khovak leh nisa na ngaihtuah hi.

¹⁷Nang leitung gamgite tengteng na khung vek hi: nang nipi leh phalbi na siam ahi.

¹⁸Toupa aw, hiai theigige in, melmain a hon gensiata; nam haipiin na min a gensiat.

¹⁹Aw na vakhu hinna gam sahang kiangah pe mahmah kenla; na mi gentheite hinna khantawnin leng mangngilh sam ken.

²⁰Thukhun tuh honkhawksa in: leimun mial tata hiamgamna omnain a dim ngala.

²¹Aw, nuaisiahna thuakte zahlakin kihei kei uhenla: genthei leh tagahten na min phat uhen.

²²Pathian aw, thou inla, nangmah thu tuh kigen tawm inla, mi haiin nitumin a hon gensiatdan theigigr in.Nangmah galte husa tuh mangngilh ken: a hon sualte chiak vengvung tuh a toupai gige ahi.

²³Nangmah galte husa tuh mangngilh ken: a hon sualte chiak vengvung tuh a toupai gige ahi.