Read Paite Psalms 77 Bible Online

Psalms 77 - Paite bible

Psalms 77

¹Ka aw in Pathian ka sam dinga; ka aw in Pathian ngei tuh ka sam dinga, amah kei lamah bil a hondoh ding hi.

²Ka buai niin Toupa ka zonga: ka khut tuh jan chiangin leng khaikhe louin ka jak gige a; ka hinnain khamuanna a deih kei.

³Pathian ka thei gige a, ka buai naknak: ka ngaihtuaha, ka kha a bah naknak. Selah.

⁴Ka mitte mitmeisuanin non let saka: pau theilou khopin ka buai hi.

⁵Nidanglaite khawng ka ngaihtuaha, tanga- tuana kumte.

⁶Jana ka lasak tuh ka thithak nawna: ka lungtang ah ka kingaihtuah naka, ka khain leng phatuamngai takin a zong hi.

⁷Toupan khantawnin a khahkhe dia eita aw? Chikmah chiangin a kipakta kei dia eita aw?

⁸A chitna tuh a mang den tawntung dia eita aw? a thuchiam tuh suan tengteng phain a mang dia eita aw?

⁹Pathianin hehpih a mangngilh a eita aw? hehin lainatnate tuh a khakta a eita aw? Selah.

¹⁰Huan, huai tuh ka hatlouhna jiak ahi; himahleh Tungnungpen khut taklam kumte ka thei gige ding hi.

¹¹Toupa thilhih thute ka gen dinga: nidang laia na thillamdang hihte ka thei gige ding hi.

¹²Na nasep tengteng ka ngaihtuah dinga, na thilhihte leng ka sut ding hi, ka chi a.

¹³Pathian aw, na lampi tuh mun siangthou ah a oma: Pathian bang Pathian thupi kua a oma?

¹⁴Nang thillamdang hihpa Pathian na hi a: mi chih lakahte na hatdan na theisak jel hi.

¹⁵Na banin na mite na honkhia, Jakob leh Joseph tate. Selah.

¹⁶Tuiten a honmu ua, Pathian aw, tuiten nang a honmu ua, a kikou ua; tui thukpite leng a ling uhi.

¹⁷Meipiten tui a sungbua ua; vanten aw a suah ua: na thalte leng a phe zolzol hi.

¹⁸Na van ging husa pingpei ah a oma; khophiaten khovel a tanvak zolzola: lei tuh kisingin a ling dopdop hi.

¹⁹Na lampi tuh tuipi ah a om a, na lampite tuh tui zatakah a oma, na khapte theih ahi kei hi.Mosi leh Aron khutin na mite belam hon bangin na pipi hi.

²⁰Mosi leh Aron khutin na mite belam hon bangin na pipi hi.