Read Paite Psalms 8 Bible Online

Psalms 8 - Paite bible

Psalms 8

¹TOUPA ka TOUPA aw, leitung tengteng-ah na min hoih hina tele! Na thupina thu van tungahte khawng na koiha;

²Melma leh phulami daihsakna dingin, nang hondoute jiakin naungekte leh nawine laite kama pawtin hatna na hihkip hi.

³Na van, na khutsuakte, kha leh aksi na sehte khawng, ka ngaihtuah chiangin,

⁴Miching bang ahia, huchitel na limsak? Mihing tapa leng bang ahia, huchitela na veh? Ka chi a.

⁵Amah jaw Pathian sanga nuai zel phetin na bawla, thupina leh pahtawina na khusak ngala;

⁶Na khutsuak tungahte khawng thu na nei saka; a khe nuai-ahte khawng bangmapeuhmah na koih a:

⁷Belam leh bawng tengteng toh, ahi, gamsate khawng to-leng;

⁸Tunga leng vasa leh tuipi ngasate, tuipi-a lampi tawn peuhmahte toh.TOUPA kou TOUPA aw, leitung tengtengah na min hoih hina tel e!

⁹TOUPA kou TOUPA aw, leitung tengtengah na min hoih hina tel e!